शंभूराज देसाई यांनी पुढे सांगितले की, फलटणच्या राजे परिवाराने एकनाथ शिंदे यांच्या नेतृत्वात काम करण्याचा निर्णय घेतल्याचा आम्हाला आनंद आहे. राजे गटाला डावपेच सांगण्याची गरज नाही. लोकांची सेवा करण्याची परंपरा या कुटुंबाला आहे. एकनाथ शिंदे हे जिवाला जीव देणारे नेते आहेत. २८ तारखेला ते फलटणला येणार आहेत. त्यांच्यारुपाने राज्याचे नगरविकास खातेच फलटणला येणार आहे. महिला डॉक्टर आत्महत्या प्रकरणात ज्यांचा प्रत्यक्ष, अप्रत्यक्षरित्या सहभागी असेल, त्याच्यावर कडक कारवाई होईल, असा इशाराही त्यांनी नाव न घेता दिला.

Navi Mumbai: लॉजमधील वेश्या व्यवसायाचा पर्दाफाश, नको ते धंदे करणाऱ्या परप्रांतीयांवर सापळा रचून कारवाई, दोन महिलांची सुटका

माजी आमदार दीपक चव्हाण यांनी सांगितले की, फलटण शहर एक नामांकित आणि सुसंस्कृत शहर आहे. रामराजेंनी फलटण तालुक्याला विकासाची दिशा दिली आहे. ते फलटणच्या विकासाचे मास्टरमाईंड आहेत. फलटण शहर आणि तालुक्याच्या विकासासाठी आपण सर्व शिवसेनेत आलो आहोत. इथली दहशत संपवायची आहे, असेही वक्तव्य शंभूराज देसाईंनी केलं.

रघुनाथराजे नाईक निंबाळकर यांनी ग्वाही दिली की, ‘सातारा जिल्हा परिषदेचा अध्यक्ष शिवसेना ठरवेल. खंबाटकी घाटाच्या अलिकडचा संपूर्ण भाग आम्ही भगवा करुन दाखवू’. कार्यकर्त्यांमध्ये निर्माण झालेली असुरक्षिततेची भावना आता समूळ नष्ट होईल. आपण प्रामाणिकपणे शिवसेनेचे काम करणार असल्याचेही त्यांनी सांगितले.

संजीवराजे नाईक-निंबाळकर म्हणाले की, फलटण शहर व तालुक्याला योग्य दिशेने नेण्यासाठी शिवसेनेमध्ये जाण्याचा निर्णय झाला आहे. सर्वसामान्यांची कामे व्हावीत, त्यांना आधार व संरक्षण मिळावे, म्हणून आपण सर्वांनी हा निर्णय घेतला आहे. आता जे काही बरे वाईट होईल ते शिवसेनेतच होईल. हा आपला अंतिम निर्णय आहे.

नगराध्यक्ष पदाचे उमेदवार अनिकेतराजे नाईक-निंबाळकर यांनी सांगितले की, आपण शिवसेनेत प्रवेश केल्यामुळे फलटणमधील भीतीचे वातावरण दूर होणार आहे. त्यांनी शासकीय यंत्रणांचा गैरवापर होत असल्याकडे शंभूराज देसाई यांचे लक्ष वेधले. तसेच फलटणच्या विकासासाठी पालिकेच्या माध्यमातून सर्वतोपरी काम करण्याची ग्वाही त्यांनी दिली.