पेण पोलिसांनी दिलेल्या माहितीनुसार, पीडित मुलगी वयाच्या १६ वर्ष ६ महिन्यांची असताना तिचा विवाह २४ डिसेंबर २०२४ रोजी समाजरीतीने आरोपी क्रमांक १, गागोदेवाडी (ता. पेण) येथील एक युवकाशी लावण्यात आला. औपचारिकदृष्ट्या अल्पवयीन आहे हे सर्व नातेवाईकांना माहीत असूनही त्यांनी या विवाहास संमती दिली आहे, याची तपासात पुष्टी झाली आहे. विवाहानंतर मुलगी गरोदर राहिली असून तिने एका मुलाला जन्म दिला. अल्पवयीन असताना वैवाहिक संबंध ठेवणे हा कायद्यानुसार एक गंभीर गुन्हा असून तो लैंगिक शोषणाच्या श्रेणीत समाविष्ट केला जातो, असे देखील तपासादरम्यान स्पष्ट करण्यात आले आहे.

Chhatrapati sambhajinagar: वडिलांची नेहमीची कटकट, एक दिवस सहन झालं नाही; उचललं टोकाचं पाऊल, कोणाला कळू नये म्हणून….

या घटनेत मुलीचे पालक, पती, सासू–सासरे आणि लग्नाला संमती देणाऱ्या नातेवाईकांवर गुन्हा नोंदवण्यात आलेला आहे. गुन्हा क्रमांक 250/2025 असा नोंदवण्यात आला असून, या प्रकरणात भारतीय न्यायसंहिता 2023 चे कलम 64(2)(आय), 64(2)(एम), 3(5), POCSO कायद्याचे कलम 4, 6, 8, तसेच बालविवाह प्रतिबंधक कायद्याचे कलम 8 व 10 अंतर्गत कडक कारवाई करण्यात आलेली आहे.

अल्पवयीन मुलीचे लग्न आणि त्यानंतरची गर्भधारणा या गंभीर प्रकारामुळे पेण तालुक्यात खळबळ उडाली आहे. मुलीचे शारीरिक आणि मानसिक शोषण झाल्याचे पोलिस तपासात स्पष्टपणे समोर आले आहे. दरम्यान याप्रकारची घटना काय देशातली किंवा राज्यातली पहिली घटना नाही. याआधीही असे अनेक प्रकार समोर आलेले आहेत. पालकही कायद्याला जुमानत नाहीत व पाहिजे तेच करतात, अशा प्रकारचं चित्र पुन्हा एकदा समोर आलं आहे.