पालघर जिल्ह्यातील पालघर, डहाणू आणि जव्हार या तीन नगरपरिषदांमध्ये शिवसेना-भाजप आमनेसामने उभे ठाकले आहेत. पालघर नगरपरिषदेत नगराध्यक्षपदासाठी भाजपचे कैलास म्हात्रे, शिवसेना (शिंदे) उत्तम घरत, व महाविकास आघाडीचे उत्तम पिंपळे, तर राष्ट्रवादी (शप) प्रीतम राऊत अशी चौरंगी लढत होणार आहे. जव्हारमध्ये पूजा उदावंत (भाजप), पद्मा राजपूत (शिवसेना शिंदे), रश्मीन मणियार (राष्ट्रवादी शप) तर दोन अपक्ष उमेदवारांमध्ये लढत होणार आहे. तर डहाणूमध्ये भाजपविरोधात शिवसेना (शिंदे) यांच्यासोबत राष्ट्रवादी (अप) आणि राष्ट्रवादी (शप) पक्षामध्ये युती आहे. उबाठाकडूनही उमेदवार माघार घेऊन या नव्या महाआघाडीला पाठिंबा देण्यात आला आहे.
Mumbai Crime : बाळासाहेबांच्या कट्टर शिवसैनिकाला मुंबईत भरदिवसा संपवलं, शिवजयंती गाजवणारे ‘महाराज’ काळाच्या पडद्याआड, आरोपी फक्त…
शिवसेना, शेकाप,
राष्ट्रवादीची लढत
अलिबाग नगरपरिषदेत भाजप आणि शेकाप पक्षामध्ये लढत, रोहे नगरपरिषदेत शिवसेना (शिंदे) विरुद्ध राष्ट्रवादी (अप) यांच्यात लढत, श्रीवर्धन नगरपरिषदेमध्ये राष्ट्रवादी अप विरुद्ध शिवसेना उबाठा यांच्यात लढत होईल. मुरुड नगरपरिषदेत राष्ट्रवादी (अप), शेकाप आणि शिवसेना(शिंदे) यांच्यात लढत होईल. पेण नगरपरिषदेत कॉंग्रेस, महायुती आणि पेणकर विकास आघाडी यांच्यात लढत आहे. महाड नगरपरिषदेत शिवसेना (उबाठा), राष्ट्रवादी (अप), शिवसेना (शिंदे) आणि दोन अपक्ष नगराध्यक्षपदासाठी रिंगणात आहेत. माथेरानमध्ये राष्ट्रवादी, शिवसेना (ऊबाठा) पक्षाचे शिवराष्ट्र पॅनल आणि भाजप महायुतीमध्ये मुख्य लढत होणार आहे.
एकनाथ शिंदे आणि फडणवीस यांच्यात दुरावा? समोरासमोर आले, पण संवाद नाही
शहर विकास आघाडीचा प्रयोग
सिंधुदुर्ग जिल्ह्यात कणकवली शहर विकास आघाडी विरुद्ध भाजपा वगळता जिल्ह्यात महायुती, महाविकास आघाडीमध्ये फूट पडली आहे. कणकवली नगरपंचायतीसाठी नगराध्यक्ष पदासाठी तीन तर एकूण १७ नगरसेवकांसाठी ३६ उमेदवार रिंगणात आहेत. या ठिकाणी शहर विकास आघाडीच्या माध्यमातून शिवसेना उबाठा, शिवसेना (शिंदे) एकत्र आले आहेत. सावंतवाडी नगरपरिषदेसाठी २० जागांसाठी ८६ उमेदवार रिंगणात आहेत. तर नगराध्यक्षपदासाठी एकूण सहा उमेदवार रिंगणात आहेत. शिवसेना, भाजपा, राष्ट्रवादी (शप), काँग्रेस आणि शिवसेना उबाठा हे सगळे स्वतंत्र निवडणूक लढवत आहेत. मालवणमध्ये नगराध्यक्ष पदासाठी तीन उमेदवार रिंगणात आहेत तर अविस नगरसेवक पदासाठी ६१ उमेदवार रिंगणात आहेत. वेंगुर्ले नगरपरिषदेत २० जागांसाठी ८३ उमेदवार रिंगणात आहेत. तर नगराध्यक्ष पदासाठी एकूण सहा उमेदवार रिंगणात आहेत.

महायुती अंशतः टिकवण्यात यश
रत्नागिरी नगरपरिषदेसाठी ३२ जागांसाठी ११७ उमेदवार रिंगणात आहेत, तर नगराध्यक्षपदासाठी आठ उमेदवारांमध्ये लढत होणार आहे. शिवसेना-भाजप युती असून अजित पवार यांची राष्ट्रवादी स्वतंत्र लढत आहे. खेडमध्ये २० जागांसाठी ४८ उमेदवार रिंगणात असून महायुती विरूध्द महाविकास आघाडी असा सामना होणार आहे. चिपळूण नगरपरिषदेत २८ जागांसाठी ११० उमेदवार रिंगणात आहेत. या ठिकाणी महायुती झाली असली तरी राष्ट्रवादी अजित पवार पक्ष लढत आहे. तर नगराध्यक्षपदासाठी महायुतीमधील तीनही पक्ष एकत्र आहेत. नगराध्यक्षपदासाठी सात उमेदवार रिंगणात आहेत. राजापूर नगरपरिषदेत २० जागांसाठी ५१ उमेदवार रिंगणात आहेत. तर नगराध्यक्षपदासाठी एकूण तीन उमेदवार रिंगणात आहेत. येथे महायुती विरुद्ध महाविकास आघाडी असा थेट सामना आहे.