उपमुख्यमंत्री एकनाथ शिंदे काही दिवसांपूर्वी सातारा दौऱ्यावर आले असताना त्यांनी शिवसैनिकांचा मेळावा घेतला होता. त्यावेळी त्यांनी महाबळेश्वरातील मानलेली बहीण विमल ओंबळे यांची राजकीय जबाबदारी कुमार शिंदे यांच्यावर सोपवली होती. मात्र ऐन निवडणुकीत कुमार शिंदेंनी ओंबळे यांचा पाठिंबा काढून त्यांच्या विरोधातील उमेदवार विमल बिरामणे यांना पाठिंबा जाहीर केला. ही बाब ओंबळे यांनी शिंदे यांच्यापर्यंत पोहोचवली. मात्र त्यांना सकारात्मक प्रतिसाद मिळाला नाही. त्यामुळे विमल ओंबळेंनी आपला उमेदवारी अर्ज मागे घेतला. शिवाय शिवसेनेचा त्याग करून त्यांनी राष्ट्रवादी काँग्रेसमध्ये प्रवेश केला.

उपमुख्यमंत्री एकनाथ शिंदेंच्या मानलेल्या बहिणीनेच राष्ट्रवादी काँग्रेसमध्ये प्रवेश केल्यामुळे शिवसेनेला मोठा धक्का बसला आहे. विमल ओंबळे या महाबळेश्वर पालिकेच्या नगरसेविका होत्या. मागील निवडणुकीत त्या निवडून आल्या होत्या. एकनाथ शिंदेंनी त्यांची राजकीय जबाबदारी शिवसेना पदाधिकारी कुमार शिंदेंवर सोपवली होती, मात्र, ऐनवेळी त्यांनीच जबाबदारी झटकून विरोधी उमेदवाराला पाठिंबा दिला. त्यामुळे नाराज झालेल्या विमल ओंबळेंनी स्वतःचा उमेदवारी अर्ज मागे घेत शिवसेनेचाच त्याग करून थेट राष्ट्रवादीचे घड्याळ हाती बांधले.
Maharashtra Politics : मनसे-उद्धवसेनेत वादाची ‘मशाल’ पेटली, राज ठाकरेंच्या ‘त्या’ 11 उमेदवारांवरुन धुसफूस, ठाकरे गटाकडून नाराजी मान्य
महाबळेश्वरच्या नगराध्यक्षपदासाठी ७ उमेदवारांनी एकूण ९ अर्ज दाखल केले होते. राष्ट्रवादी काँग्रेसने ऐनवेळी सुनील शिंदे यांचे नाव निश्चित केले. त्यामुळे नाराज होऊन यांनी नासीर मुलाणी यांनी बंडखोरी केली होती. मदत व पुनर्वसन मंत्री मकरंद पाटील यांनी महाबळेश्वरात येऊन मुलाणींची समजूत काढल्यानंतर त्यांनी अर्ज मागे घेतला. आता नगराध्यक्षपदाची निवडणूक राष्ट्रवादी काँग्रेसचे सुनील शिंदे, लोकमित्र जनसेवा आघाडीचे डी. एम. बावळेकर, कुमार शिंदे, सतीश साळुंखे आणि संजय पाटील यांच्यात होणार आहे.
Mumbai Crime : बाळासाहेबांच्या कट्टर शिवसैनिकाला मुंबईत भरदिवसा संपवलं, शिवजयंती गाजवणारे ‘महाराज’ काळाच्या पडद्याआड, आरोपी फक्त…
राज्यात सध्याच्या घडीला सर्वात मोठा पक्ष असलेल्या भारतीय जनता पार्टीला महाबळेश्वर नगरपालिका निवडणुकीत पूर्ण पॅनेल देखील करता आलेलं नाही. भाजपाचे केवळ तीन उमेदवार कमळ चिन्हावर निवडणूक रिंगणात आहेत. तसेच उपमुख्यमंत्री एकनाथ शिंदेंच्या शिवसेनेलाही अपेक्षित प्रतिसाद मिळाला नाही. इच्छुकांनी अपक्ष म्हणूनच अर्ज दाखल केले आहेत.