घरची परिस्थिती बेताची

अकोल्याच्या छोट्याशा शिर्ला गावातील रोशन शहा हुसेन शहा या युवकाने जिद्द चिकाटी आणि कठोर मेहनतीच्या बळावर महाराष्ट्र इंजिनियरिंग सर्व्हिसेसमध्ये 18वी रँक मिळवत यश मिळवून कुटुंबासह शिर्ला गावाचं नाव मोठं केलं आहे. घरची परिस्थिती बेताची आहे, एकावेळी पोटाची खळगी भरण्याकरिता तसेच मुलांना साधे रेशमी कापड विकत घ्यायची परिस्थिती नव्हती. आताही चार पत्रे असलेल्या एका खोलीत आपलं जीवन जगत आहेत, रोशनचे वडील भंगाराचा व्यवसाय करतात. त्यातूनच मिळणारी तुटपूंजी रक्कम, त्यातून घर चालवणं आणि अत्यंत मेहनतीने कष्टातून रोशनचा शिक्षणाचा खर्च उचलून सोबतच कुटुंबाची ही जबाबदारी घेतली. दोन बहिणी हुशार असतानाही दारिद्र्यामुळे शिक्षण सोडावं लागलं. आई सुद्धा कामाला जात होती. अशा परिस्थितीतच रोशन महाराष्ट्र इंजिनिअरिंग सर्व्हिसेसमध्ये या परीक्षेमध्ये राज्यातून 18वा क्रमांक प्राप्त केला.

Satara News : एकनाथ शिंदे दाद देईनात, चिडलेल्या बहिणीने थेट शिवसेनाच सोडली, राष्ट्रवादीचं ‘घड्याळ’ बांधलं

रोशनचं घवघवीत यश

रोशनने दुसऱ्याच प्रयत्नामध्ये परीक्षा उत्तीर्ण करून घवघवीत यश मिळवलं. रोशनने याचं श्रेय आपल्या आई-वडिलांबरोबरच गावकरी, मित्रमंडळी आणि शेख सर म्हणजेच एका अनोळखी व्यक्तीने सहा-सात वर्षापर्यंत रोशनच्या शिक्षणाची जबाबदारी घेतली. रोशनने दहावीमध्ये देखील 92.42 टक्के मिळवले होते. रोशनने घेतलेली ही उंच भरारी निश्चितच त्यांच्या आई-वडिलांसाठी मान उंच करणारी आहे. रोशनच्या घवघवीत यशाची बातमी गावभर पसरली आणि गावकऱ्यांनी अक्षरशः रोशनची गावातून मिरवणूक काढली. यशाच्या मार्गावर अनेक पायऱ्या येतात आणि त्या चढताना अनेक समस्यांचा सामनाही करावा लागतो आणि त्या समस्यांना तोंड देत हुसेन शहा यांचा मुलगा रोशन शहा याने आजच्या युवा पिढीला जो संदेश दिलेला आहे, तो नक्कीच प्रेरणादायी ठरणार आहे.

Jalna Crime : वाहन जाळण्याच्या संशयातून तरुणाला बेदम मारहाण, सागरचा उपचारादरम्यान मृत्यू; माऊली आक्रोश करत म्हणाली…

अख्ख्या गावात जल्लोष

रोशनच्या नेत्रदीपक यशानंतर अकोल्यातील शिर्ला गावात गावकऱ्यांनी मोठा जल्लोष केला. रोशनला अक्षरशः खांद्यावर घेऊन डीजेच्या तालावर गावकऱ्यांनी अख्ख्या गावात मिरवणूकच काढली. आपल्या गावातील हलाखीच्या परिस्तिथीतील एका युवकाने मेहनत आणि जिद्दीच्या जोरावर संपादन केलेलं यश प्रत्येक गावकऱ्यांच्या चेहऱ्यावर स्पष्ट दिसत होतं.