नेमकं प्रकरण काय?

नाशिक जिल्ह्यातील डोंगराळे गावातील साडे तीन वर्षाच्या चिमुरडीवर अत्यातार करत तिची निर्घृणपणे हत्या करण्यात आली. १६ नोव्हेंबर रोजी चिमुकली घराच्या अंगणात खेळत होती, त्यावेळी गावातील २४ वर्षीय विजय संजय खैरनार याने तिला चॉकलेटचे आमिष दाखवले. नराधमाने तिला एका टॉवरजवळ नेले, तिच्यावर अत्याचार करत तिची हत्या केली. पोलिसांच्या शोधमोहिमेत आरोपीही होता, त्यावेळी तपास सुरू असताना गावातील एका माहिलेने नराधमासोबत चिमुकलीला टॉवरकडे जाताना पाहिले होते. त्यानंतर हे प्रकरण समोर आले आहे. सोशल मीडियावर तिचे फोटो व्हायरल झाल्यामुळे राज्यभरात संतापाची लाट उसळली आहे.

मालेगाव अत्याचार प्रकरणी मनोज जरांगे यांचा सरकारला महाराष्ट्र बंदचा इशारा

पीडित मुलीचा सातव्या महिन्यात तिचा जन्म झाला होता, तिचे वजन ९०० ग्रॅम होते. त्यावेळी डॉक्टर आणि कुटुंबांच्या प्रयत्नामुळे तिला वाचवण्यात आलं होतं. मात्र आता साडेतीन वर्षाची असताना नराधमाने तिला संपवलं. आरोपीला कोर्टात हजर करण्याच्या मार्गावर नागरिक जमले होते, त्यामुळे आरोपीला VC द्वारे हजर करण्यात आलं. आरोपीला २७ नोव्हेंबरपर्यंत पोलीस कोठडी सुनावली आहे.