पेठरोड येथील शरदचंद्र पवार मार्केटमधील कार्यालयाच्या कामात ठेकेदाराला कामापेक्षा जास्त रक्कम अदा केली असल्याने, या कामात अनियमितता दिसते. याच आवारातील इमारतीच्या बांधकामातही काम झालेले नसताना, रक्कम अदा करण्यात आली. या कामात मोठा भ्रष्टाचार झालेला असून, त्या कामाचे मोजमाप करणे गरजेचे आहे. पिंगळे यांच्या काळात संचालकांना सभेचे प्रोसिडिंग दाखविले जात नव्हते. प्रोसिडिंगच्या काही ओळींवर नवीन कागद चिटकवून सभेत कोणतीही चर्चा झालेली नसलेले बाजार समितीच्या विभाजनाच्या प्रस्तावाची नोंद केली असल्याचे आढळले आहेत, असे चुंभळे यांनी सांगितले.

मालेगाव अत्याचार प्रकरणी मनोज जरांगे यांचा सरकारला महाराष्ट्र बंदचा इशारा
सर्वसाधारण सभेच्या मूळ प्रोसिडिंगमध्ये प्रत्यक्षात झाले नसलेले ठराव नोंदवून ठेकेदाराला एक कोटी रुपयांपेक्षा जास्त रक्कम अदा केली आहे. नियोजन समितीची बनावट सभा दाखवून वाहन दुरुस्तीचा लाखो रुपयांचा खोटा ठराव लिहिण्यात आला, त्यावर सभेच्या इतिवृत्तावर कोणत्याही संचालकाची स्वाक्षरी नाही. डाळिंब मार्केटमध्ये सीसीटीव्ही बसविण्याचा बनाव करून सभेची मंजुरी न घेता बिलाची रक्कम अदा केली आहे. पेठरोड मार्केटमधील विहीर कायदेशीर मंजुरी न घेता बुजविण्यात आली आहे. त्या ठिकाणची जागा बेकायदेशीरपणे भाडेपट्टा कराराने दिली आहे.

भाजपच्या चक्रव्यूहात दादा भुसे! पालकमंत्रिपदाचा वचपा काढण्यासाठी महाजनांची रणनीती, येवल्यात राष्ट्रवादीच्या भुजांत ‘बळ’
मार्केटच्या दक्षिणेला असलेला डीपी रोड बंद करण्यात आला आहे. गटारीवरील ढापे दुरुस्ती केली नसताना, लाखो रुपयांचा खर्च दाखविण्यात आला आहे. त्र्यंबकेश्वर मार्केटमधील विद्युतीकरणाचे कामे अपूर्ण असताना पूर्ण रकमेची बिले काढली आहेत. खड्डे दुरुस्ती, सीसीटीव्ही कॅमेरे बसविणे, सर्व्हर रूमची कामे, सभेची नंजुरी न घेता धनादेश देणे, प्रशासकीय इमारतीच्या तसेच प्रवेशद्वारावरील शेडच्या बांधकामासाठी आगावू रक्कम देणे, कर्मचाऱ्यांच्या महागाई भत्ता फरकाची रक्कम बेकायदेशीरपणे, मनमानी पद्धतीने व सूड भावनेने थकीत ठेवल्या असल्याचे आरोप चुंभळे यांनी केले आहेत.