Supervisor falls to death: दहिसर–मिरा–भायंदर मेट्रो लाईन (मेट्रो 9) च्या बांधकामादरम्यान एका सुपरव्हायझरचा 70 फूट उंचीवरून पडून दुर्दैवी मृत्यू झाला. या घटनेनंतर एमएमआरडीएने कंत्राटदाराला दंड ठोठावला असून, सुरक्षा नियमांचे उल्लंघन झाल्याचे प्राथमिक तपासात आढळले आहे.
फरहान तहझीद अहमद असे मृत कर्मचाऱ्याचे नाव असून ते साईबाबा नगर मेट्रो स्थानकाच्या कामाची पाहणी करत होते. पाहणीदरम्यान त्यांचा तोल जाऊन ते जवळपास 65 फूट उंचीवरून खाली रस्त्यावर पडले. काही मिनिटांतच नागरिकांची गर्दी झाली. अहमद यांना तातडीने शेजारील सनराईज रुग्णालयात नेण्यात आले, मात्र पुढे त्यांना पंडित भीमसेन जोशी शासकीय रुग्णालय, भायंदर येथे हलवण्यात आलं जिथे डॉक्टरांनी त्यांना मृत घोषित केले.
Mumbai CNG Crisis: हजारो वाहने ‘गॅस’वर; सीएनजी पुरवठा सलग दुसऱ्या दिवशी विस्कळीत, चालकांचे हाल
MMRDA कडूनही चौकशी सुरू
अपघातानंतर पोलिसांनी कामाच्या ठिकाणी आवश्यक सुरक्षा उपाय होते का, याची पाहणी केली. सध्या मिरा रोड पोलिसांनी अपघाती मृत्यूची नोंद केली आहे. मात्र MMRDA नेही समांतर चौकशी सुरू केली असून, गजानन कन्स्ट्रक्शन आणि एन ए कन्स्ट्रक्शन या ठेकेदार कंपन्यांकडून सुरक्षा नियमांचे गंभीर उल्लंघन झाल्याचे प्राथमिक तपासात आढळले.
MMRDA च्या प्राथमिक मूल्यमापनात कामकाजातील सुरक्षा प्रोटोकॉलमध्ये उघड ढिसाळपणा दिसून आला. त्यानंतर NA Construction Infra यांच्यावर 50 लाखांचा दंड, तर सल्लागार Systra-CEG-Systra (India) यांच्यावर 5लाखांचा दंड लावण्यात आला. मेट्रो-4 (वडाळा–ठाणे–कसारवडवली) प्रकल्पातील एक वरिष्ठ अधिकारी स्वतंत्र चौकशीसाठी नियुक्त करण्यात आले आहेत.
“सविस्तर चौकशीनंतर कठोर कारवाई केली जाईल,” असे MMRDA च्या प्रवक्त्यांनी सांगितले. अहमद यांच्या कुटुंबाला तात्काळ 5 लाखांची मदत देण्यात आली असून, कामगार भरपाई कायदा तसेच विमा पॉलिसीअंतर्गत मिळणारी रक्कम देण्याची प्रक्रिया सुरू आहे.
Mumbai Mono Rail ला चाचणीदरम्यानच अपघात, पत्रकारांनी अधिकाऱ्याला घेरलं, अधिकाऱ्यानं काढला पळ
मेट्रो-9 वर अपघातांची मालिका
मेट्रो-9 प्रकल्पात गेल्या काही वर्षांत कामगारांच्या मृत्यूची चिंताजनक मालिका दिसून आली आहे:
डिसेंबर 2024: 25 वर्षीय सिमेंट मिक्सर ऑपरेटरचा त्याचे मशीन खड्ड्यात कोसळून मृत्यू.
ऑगस्ट 2024: क्रेनवरून पडून एका कामगाराचा मृत्यू.
2022: 22 वर्षीय तरुण एका काँक्रीट पिलरवरून घसरून खाली पडला आणि जागीच मरण पावला.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा