Girl pushed from running train: वसईत एक धक्कादायक घटना घडली. एका १६ वर्षीय मुलीला तिच्याच मामाने चालत्या लोकलमधून ढकलून दिले. यात तिचा जागीच मृत्यू झाला. या घटनेने परिसरात भीतीचे वातावरण आहे.
वसई रोड रेल्वे पोलीस ठाण्यात दाखल झालेल्या तक्रारीनुसार, मृत मुलगी कोमल हिच्या आईने, संगीता सोमनाथ सोनार, आपल्या भावाविरुद्ध अर्जुन कैलास सोनी याच्यावर खूनाचा आरोप केला आहे. संगीता मांडव्यामध्ये आपल्या दोन मुलांसह, कोमल आणि 15 वर्षीय कार्तिक, राहते आणि पेशंट केअरटेकर म्हणून काम करते.
Pune Accident: पुण्यातील हिंजवडी आयटी पार्क परिसरात भीषण अपघात; 20 वर्षीय लेकीने बापासमोर सोडला जीव
कोमल दोन दिवस बेपत्ता
संगीता यांनी पोलिसांना सांगितले की, 15 नोव्हेंबर 2025 रोजी कोमल कोणाला न सांगता अचानक घराबाहेर पडली. नातेवाईक आणि परिसरात शोध घेतल्यानंतरही तिचा काहीच पत्ता लागला नाही. दुसऱ्या दिवशी, 16 नोव्हेंबरला सकाळी 8 वाजता, कोमल वसईतील नालासोपारा येथे संगीताच्या भावाच्या घरी असल्याची माहिती मिळाली.
परंतु जेव्हा संगीताची वहिनी अंजली कोमलला घेण्यासाठी गेल्या, तेव्हा ती घरातून गायब होती. शोधाशोध करूनही मुलगी मिळाली नाही, त्यामुळे कुटुंबाने पोलिसांत तक्रार दाखल केली. यानंतर अर्जुनने कोमलच्या मोबाईलवरूनच संगीतालाच फोन करून मुलगी स्वतःकडे असल्याचे सांगितले. संगीता यांनी तिला ताबडतोब घरी आणण्यास सांगितले, परंतु त्याने तसे न केल्याने त्यांच्या शंका आणखी वाढल्या. 17 नोव्हेंबर 2025 रोजी, संगीताला कोमलचा भायंदर येथे रेल्वे अपघातात मृत्यू झाल्याची माहिती मिळाली. त्या पोलिस ठाण्यात पोहोचल्या असता, त्यांचा भाऊ अर्जुन आधीच पोलिसांच्या ताब्यात असल्याचे समोर आले.
प्रवाशाने सर्व प्रकार पाहिला
पोलिसांनी दिलेल्या माहितीनुसार, 14.05 वाजता भायंदर येथून चर्चगेट-वीरार लोकलमध्ये कोमल आणि अर्जुन दोघे चढले. फर्स्ट क्लास डब्ब्यात दरवाजाजवळ उभे असताना, अर्जुनने कोमलला मागून ढकलल्याचा गंभीर आरोप आहे. कोमल खाली रुळांवर पडली आणि तिच्या डोक्याला गंभीर दुखापत होऊन तिचा जागीच मृत्यू झाला. ही घटना विरारच्या एका प्रवाशाने पाहिली. त्याने आरडाओरडा करून इतर प्रवाशांच्या मदतीने अर्जुनला पकडले आणि पोलिसांच्या हवाली केले. त्याचा जबाब वसई रोड रेल्वे पोलिसांनी नोंदवला आहे.
Pune News: अपरात्री रुळावर बसून केलेला बेफिकीरपणा 3 मित्रांना पडला महागात; अचानक ट्रेन आली अन्… पुण्यात धक्कादायक घटना
कोमलचा मृतदेह टेंबा रुग्णालय, भायंदर येथे पोस्टमार्टमसाठी पाठवण्यात आला. संगीतातील मोठा भाऊ कृष्णा कैलास सोनी यांनी मृतदेहाची ओळख पटवली. या प्रकरणाचा सध्या रेल्वे पोलिसांकडून तपशीलवार तपास सुरू आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा