जिल्ह्यातील सत्ताधारी भाजप आणि शिंदेसेनेच्या चार प्रमुख आमदारांनी आपापल्या पत्नींसाठी उमेदवारी अर्ज दाखल केले आहेत. यामुळे जामनेर, पाचोरा, चाळीसगाव व भुसावळ या चारही महत्त्वाच्या नगरपालिकांमधील लढती आता केवळ स्थानिक पातळीवर मर्यादित न राहता, त्या थेट संबंधित आमदारांच्या राजकीय प्रतिष्ठेची कसोटी पाहणाऱ्या ठरणार आहेत. दरम्यान, जामनेरमधून साधना महाजन आणि पाचोऱ्यातून सुनीता पाटील या दोघींनाही यापूर्वी नगराध्यक्षपद सांभाळल्याचा अनुभव आहे, ज्यामुळे या लढती अटीतटीच्या होणार आहेत.

माजी आमदाराने ठोकले शड्डू
या हाय-प्रोफाइल लढतींसोबतच, पाचोरा नगरपालिकेत एका नव्या राजकीय समीकरणाची भर पडली आहे. येथे माजी आमदार दिलीप वाघ यांनीही भाजपच्या तिकीटावर नगराध्यक्षपदासाठी त्यांच्या पत्नी सुचेता दिलीप वाघ यांचा उमेदवारी अर्ज दाखल केला आहे. यामुळे पाचोऱ्यात विद्यमान आमदार पत्नी विरुद्ध माजी आमदार पत्नी अशी थेट आणि चुरशीची लढत होण्याची चिन्हे आहेत. चाळीसगाव येथेही भाजपकडून आमदार मंगेश चव्हाण यांच्या पत्नी विरुद्ध महाविकास आघाडीकडून दिवंगत आमदार राजीव देशमुख यांच्या पत्नी पद्मजा देशमुख यांच्यात लढत होण्याची शक्यता आहे.
जळगावच्या राजकारणात महायुतीत महायुद्ध, ‘मंगेश चव्हाण किस गली में गलबला’, किशोर पाटील यांची बोचरी टीका
नगरपालिका -उमेदवार (पत्नी) -आमदार / मंत्री (पती) पक्ष
जामनेर —साधना महाजन –जलसंपदा मंत्री गिरीश महाजन, भाजप
भुसावळ —रजनी सावकारे –वस्त्रोद्योग मंत्री संजय सावकारे, भाजप
भाजप —सुनीता पाटील –आमदार किशोर पाटील, शिवसेना
शिवसेना —प्रतीभा चव्हाण –आमदार मंगेश चव्हाण, भाजप