15 ऑक्टोबर रोजी मध्यरात्रीच्या सुमारास ज्ञानेश्वर आणि मनिषाने परमेश्वरच्या डोक्यात आणि चेहऱ्यावर कुऱ्हाडीने वार करून त्याची निर्घृणपणे हत्या केली. त्यानंतर, त्यांनी परमेश्वरचा मृतदेह एका गोणीत भरला आणि त्याला दगड बांधून सोमठाणा तलावात फेकून दिला, जेणेकरून मृतदेह पाण्यावर तरंगणार नाही. परमेश्वर घरी आला नसल्याचं गावभर पसरलं, आणि सर्वत्र चर्चा सुरू झाली. या दोघांमधील अनैतिक संबंधांची कुणकुण गावकऱ्यांना आधीपासून होती, त्यामुळे संशयाचं वातावरण निर्माण झालं. ही माहिती बदनापूर पोलिसांना मिळताच त्यांनी तातडीने तपास सुरू केला.

Ratnagiri News: मुंबईहून गावी आले, चार दिवसात तरुणाने नको ते केलं, पाहून मोठ्या भावाला धक्का, कुटुंब हादरलं

बदनापूर पोलीस ठाण्याचे निरीक्षक एम. टी. सुरवसे यांच्या माहितीनुसार, परमेश्वर तायडे गेल्या महिन्याभरापासून बेपत्ता झाला होता. त्याची पत्नी मनीषा हिनेच त्याच्या बेपत्ता होण्याची तक्रार दाखल केली होती आणि काही दिवस पतीला शोधण्याचा ती दिखावा करत होती. मात्र, बुधवारी सोमठाणा परिसरातील तलावात संशयास्पद अवस्थेत परमेश्वरचा मृतदेह आढळून आला, त्यानंतर पोलिसांनी तपासाची दिशा बदलली.

Solapur News: लेकीसोबत अखेरची भेटही होऊ शकली नाही; मुलीच्या घरी जाताना वाटेत मृत्यू आडवा आला, सोलापूर हळहळलं

चौकशीत त्याच्या कुटुंबीयांचे जबाब परस्परविरोधी निघाल्याने पोलिसांचा संशय वाढला. पुढील तपासात उघड झालं की मनीषा आणि ज्ञानेश्वर यांच्यात अनैतिक संबंध होते. परमेश्वर या संबंधांना विरोध करत असल्यानं दोघांनी त्याला मार्गातून दूर करण्याचा निर्णय घेतल्याचं निष्पन्न झालं. पोलिसांच्या माहितीनुसार, 15 ऑक्टोबरच्या रात्री ज्ञानेश्वरने परमेश्वरवर दगडाने आणि कुऱ्हाडीने हल्ला केला, तर मनीषाने त्याच्या गळ्यात कापड आवळून त्याचा जीव घेतला. त्यानंतर दोघांनीही मृतदेह गोणीत गुंडाळून, त्याला दगड बांधून जवळच्या तलावात फेकून दिला. जवळपास महिनाभरानंतर मृतदेह वर आला आणि ग्रामस्थांनी पोलिसांना माहिती दिली. पोस्टमार्टम अहवालात हत्या झाल्याचx स्पष्ट झाल्यावर पोलिसांनी दोघांना अटक केली. या अमानुष कृत्यात पतीची हत्या करणाऱ्या पत्नी आणि सख्ख्या भावाबाबत गावात मोठा संताप उसळला आहे.