दिवाळीची सुट्टी संपल्यानंतर विद्यार्थी माघारी

चाळीसगाव तालुक्यातील मेहुणबारे येथील अनुदानित आदिवासी आश्रम शाळेत अक्कलकुवा तालुक्यातील मोलगी परिसरातील विविध गावातील विद्यार्थी शिक्षण घेत होते. दिवाळीची सुटी असल्याने विद्यार्थी गावाकडे आले होते. सुटी संपल्यानं अतिदुर्गम भागातील सातपूडा परिसरातील आदिवासी विद्यार्थ्यांना घेऊन जाणारी खासगी स्कूलबस ( क्र.एमएच 15 एके 1459) ही मोलगी अक्कलकुवा दरम्यान आमलीबारीजवळ असलेल्या घाटात 150 फूट खोल दरीत कोसळल्याची घटना 9 नोव्हेंबर रोजी दुपारी 3 वाजेच्या दरम्यान घडली. या अपघातात जगदीश बहादूसिंग वळवी (वय 7 वर्ष, रा.निंबिपाडा) आणि कपिला जहांगिर राऊत (वय 13 वर्ष, रा.काठी) हे दोन विद्यार्थी मृत्युमुखी पडले होते. तर 54 जण जखमी झाले होते. याबाबत पोलिसांनी अधिक तपास केला असता सदरची स्कूलबसही रस्त्यावर चालण्यासाठी योग्यता संपलेली असताना तिची पियूसीची मुदत देखील संपलेली होती. तसेच सदर वाहनासाठी नाशिक जिल्ह्यापुरताच परवाना मर्यादीत होता.

Beed News: अजित दादांना मोठा धक्का, नाराजीनाट्याचा शेवट; बीडमधला खंदा समर्थक गेला सोडून, भाजप प्रवेशाचा अंदाज

41 विद्यार्थ्यांची आसन क्षमता…

सदर वाहनाच्या योग्यतेची खात्री न करता वाहन हे अक्कलकुवा व धडगाव तालुक्यातील विद्यार्थ्यांना आणण्यासाठी पाठविले होते. या वाहनाची आसन क्षमता 41 विद्यार्थ्यांची असताना त्यात 54 विद्यार्थी बसविले होते. सदर बस विद्यार्थ्यांना आणण्यासाठी वापर केल्यामुळे अपघातात दोन जणांना जीव गमवावा लागला आहे. याबाबत तळोदा एकात्मीक आदिवासी विकास प्रकल्प कार्यालयाचे प्रकल्प अधिकारी अरविंद गणपत वळवी यांच्या फिर्यादीवरून अक्कलकुवा पोलीस ठाण्यात चाळीसगाव येथील जय तुळजाभवानी बहुद्देशीय शिक्षण प्रसारक मंडळाचे अध्यक्ष राजेंद्र रामदास चौधरी, सचिव विजय रामदास चौधरी, सदर मंडळ संचलीत अनुदानीत आदिवासी आश्रमशाळेचे मुख्याध्यापक वैभव ईश्वरलाल चौधरी, मुकेश सखाराम चौधरी सर्व रा.चाळीसगाव व स्कूलबस मालक अशा पाच जणांविरुद्ध गुन्हा दाखल करण्यात आला आहे. याप्रकरणी पुढील तपास पोलीस निरीक्षक सारंग नवलकर करीत आहेत.