सय्यद बाबर अली सय्यद महमूद अली असे अटक करण्यात आलेल्या आरोपीचे नाव आहे. दिल्लीतील लाल किल्ला परिसरामध्ये कारमध्ये झालेल्या स्फोटानंतर देशभरातील महत्त्वाच्या जिल्ह्यांमध्ये हाय अलर्ट जारी करण्यात आला आहे. प्रशासकीय यंत्रणा सर्व पातळीवर लक्ष ठेवून आहे. महाराष्ट्रात महत्त्वाच्या जिल्ह्यात सुरक्षा यंत्रणांनी सुरक्षा वाढवली आहे. एटीएस कडून छत्रपती संभाजी नगरमध्ये शोधमहीम सुरू केली आहे.

एकनाथ शिंदेंनी मंत्री, आमदार, खासदारांना कामाला लावलं; नगरपंचायत- नगरपरिषद निवडणूक प्रभारींची मोठी यादी जाहीर

एटीएसने केलेल्या तपासणीत एक धक्कादायक माहिती समोर आली आहे. या आरोपीने पॅलेस्टाईन गाझा येथे सुरू असलेल्या युद्धातील नागरिकांना मदतीच्या नावाने लोकांकडून ऑनलाईन पैसे घेतले जात असल्याचा समोर आलं. अहमद राजा फाउंडेशन या नोंदणीकृत नसलेल्या संस्थेच्या नावाने बनावट क्यूआर कोड तयार केला. एक किंवा पुढच्याद्वारे नागरिकांना भावनिक करुन पैशांची मागणी केली. याचबरोबर राजा एम्पॉवरमेंट फाउंडेशन या नोंदणीकृत संस्थेच्या माध्यमातून निधी जमा केला. यातून जमलेले १० लाख २४ हजार रुपये स्वतःच्या खात्यात वळवून घेतले आहेत.

याप्रकरणी दहशतवादी विरोधी पथक एटीएसने दिलेल्या अहवालात धक्कादायक माहिती समोर आली आहे. आरोपी बाबर अली आणि स्वतःच्या खात्यातील रक्कम GOFUNDM.COM या आंतरराष्ट्रीय पोर्टलद्वारे दहा लाख २४ हजार २२० रुपये विदेशात पाठवले आहेत. हे पैसे विदेशात पाठवल्याने अनेक प्रश्न निर्माण झाले आहेत. हे पैसे पाठवण्यामागे उद्देश काय? पाठवलेल्या पैशांचा कसा वापर झाला? हा पैसा टेरर फंडिंगसाठी तर वापरला जात नाही ना? असे अनेक प्रश्न आता उपस्थित होत आहेत. दरम्यान, एटीएस करत असलेल्या या तपासामध्ये नेमकी काय माहिती समोर येते, हे पाहाणे आता महत्त्वाचे ठरणार आहे.