या हल्लेखोरांकडून एक रिवॉल्वर आणि त्या परिसरातील एक कोयता जप्त करण्यात आला आहे. दरम्यान अन्य तीन हल्लेखोर त्या ठिकाणाहून पळून गेले असल्याचीही माहिती आहे. मात्र, या घटनेमुळे मिरजेत एकच खळबळ उडाली आहे.

‘हात हलवीत आलात आणि हात हलवीत गेलात’; एकनाथ शिंदेंचा उद्धव ठाकरेंवर पटलवार, मराठवाड्यातून बोचरी टीका

काय घडलं?

खून प्रकरणातील दोन आरोपी सलीम पठाण आणि चेतन कलगुडगी यांना वैद्यकीय चाचणीसाठी मिरजेच्या शासकीय रुग्णालयात आज आणण्यात आलं होते. त्यांना रुग्णालयात घेऊन जाताना एक जण संशयित त्यांच्या जवळ जाण्याचा प्रयत्न करत होता. पोलिसांना त्याच्यावर संशय आल्याने पोलिसांनी त्याला पकडलं आणि बाजूला घेतलं. त्याला ताब्यात घेतल्यानंतर दुसऱ्या बाजूला असलेले तिघे जण पळून गेले. हल्ल्याच्या प्रयत्नात असणाऱ्या आरोपीकडून एक रिवॉल्वर जप्त करण्यात आली आहे. तसेच त्या परिसरातील कोयता जप्त करण्यात आला आहे.

सुरुवातीला एकाने हल्ला करायचा आणि त्यानंतर उरलेल्या तिघांनी हल्ला करायचा, असा हल्लेखोरांचा डाव होता. मात्र सतर्क पोलिसांमुळे या ठिकाणी अनर्थ टळला. या घटनेनंतर या ठिकाणी पोलीस बंदोबस्तात वाढ करण्यात आली असून, या परिसराचे सर्च ऑपरेशन सुरू करण्यात आले आहे. मात्र या घटनेमुळे मिरजेत खळबळ माजली आहे.

घटनास्थळी पोलीस उपाधीक्षक प्रणील गिल्डा पोलीस निरीक्षक किरण चौगुले सहाय्यक पोलीस निरीक्षक संदीप शिंदे दाखल झाले, असून या प्रकरणाचा तपास सुरू आहे, आरोपींचा शोध घेतला जात आहे.