वडाळा भक्ती पार्क येथील रहिवासी असलेल्या पल्लवी पुरकायस्थ या वकील तरुणीची ८ आणि ९ ऑगस्ट २०१२ च्या दरम्यानच्या मध्यरात्री सज्जादने अत्यंत क्रूरपणे हत्या केली होती. त्याने पल्लवीवर १७ वेळा चाकूने वार केले आणि तिचा गळा चिरला. पल्लवीवर वाईट नजर असलेल्या सज्जादने तिच्या १६ व्या मजल्यावरील सदनिकेचा वीजपुरवठा मुद्दाम खंडित केला होता. वीज गेल्यामुळे इलेक्ट्रिशियनला बोलावण्यात आले. याच संधीचा फायदा घेत सज्जाद इलेक्ट्रिशियनसोबत पल्लवीच्या घरात शिरला. त्याने पल्लवीचे लक्ष विचलित करून घराची चावी चोरली. त्यानंतर तो पुन्हा पल्लवीच्या घरात घुसला आणि तिच्यावर बलात्कार करण्याचा प्रयत्न केला. मात्र, पल्लवीने प्रतिकार केला.

पल्लवी एक उत्तम जलतरणपटू आणि चपळ असल्याने तिने सज्जादला जोरदार विरोध केला. या प्रतिकारामुळे संतापलेल्या सज्जादने तिच्यावर चाकूने हल्ला करत वारंवार वार करून तिची हत्या केली. पल्लवी ही प्रसिद्ध अभिनेता फरहान अख्तरच्या कंपनीत विधी सल्लागार म्हणून काम करत होती.
Delhi Blast : आपला पंकज गेलाsss दादाने टीव्हीवर स्फोटाचा फोटो पाहिला अन् काळजाचा ठोका चुकला, मदतीला धावण्याचा स्वभावच जीवावर
मुंबई सत्र न्यायालयाने खटल्याच्या सुनावणीअंती सज्जादला ७ जुलै २०१४ रोजी मरेपर्यंत जन्मठेपेची शिक्षा ठोठावली. त्यानंतर नाशिक तुरुंगात जन्मठेपेची शिक्षा भोगत असताना मार्च २०१६ मध्ये पॅरोल मिळाला असताना सज्जाद फरार झाला होता. जवळपास दीड वर्षांनंतर गुन्हे शाखेच्या अधिकाऱ्यांनी त्याला जम्मू काश्मीर येथून अटक केली. तेव्हापासून तो तुरुंगात आहे.

‘सत्र न्यायालयाने सज्जादविरोधात बलात्काराच्या प्रयत्नाचा विचार करून फाशीची शिक्षा देणे आवश्यक होते’, असे म्हणत पल्लवीचे वडील व दिल्लीस्थित आयएएस अधिकारी यांनी अॅड. अभिषेक येंदे यांच्यामार्फत अर्ज केला होता. तशीच विनंती राज्य सरकारने अपिलाद्वारे केली होती. तर कनिष्ठ न्यायालयाला मरेपर्यंत जन्मठेपेची शिक्षा देण्याचा अधिकारच नाही, असा युक्तिवाद सज्जादतर्फे ज्येष्ठ वकील डॉ. युग चौधरी यांनी केला होता.
Delhi Blast : आमची गाडी तर पार्किंगमध्ये उभी आहे! आमिर-उमरच्या कुटुंबाने दावे फेटाळले, दिल्ली स्फोटाबाबत चक्रावणारे खुलासे
‘सत्र न्यायालयाने निश्चित केलेल्या आरोपांना अपील व अर्जात आव्हान दिलेले नाही. त्यामुळे आता त्या न्यायालयाला आरोप निश्चित करून नव्याने खटला चालवण्यास आम्ही अनुत्सुक आहोत. तसेच कनिष्ठ न्यायालयाला मरेपर्यंत जन्मठेपेची शिक्षा देण्याचा अधिकार नाही, हा बचाव पक्षाचा युक्तिवाद बरोबर आहे. परंतु, सज्जादने केलेला गुन्हा आणि पॅरोलवर असताना त्याचे फरार होणे हे लक्षात घेता आम्ही आमच्या विशेषाधिकारात त्याला मरेपर्यंत जन्मठेपेची शिक्षा सुनावत आहोत’, असे खंडपीठाने निर्णयात स्पष्ट केले.