प्रवीण काटवटे हे १९९७ मध्ये सातारा जिल्हा पोलीस दलात भरती झाले होते. सध्या कराड शहर पोलीस ठाण्यात त्यांची नेमणूक होती. २०१८ पासून ते कराड शहर पोलिस ठाण्यात कार्यरत होते. एका सत्संग कार्यक्रमासाठी रजा घेऊन सहकुटुंब ते मुंबईला गेले होते. त्याच कार्यक्रमास त्यांना हृदयविकाराचा झटका आला.

सत्संगात ते सहकुटुंब पूर्णवेळ सहभागी झाले होते. कुटुंबासोबत त्यांनी धार्मिक गाण्यावर नृत्याचा आनंद लुटला. त्याचा व्हिडिओ देखील बनवला. मात्र, त्यानंतर त्यांना अचानक चक्कर आली. अस्वस्थ वाटू लागल्याने त्यांना नजीकच्या रुग्णालयात नेण्यात आले. मात्र, त्यांचा जीव वाचू शकला नाही.

आज सकाळी मुंबईतील शासकीय रुग्णालयात त्यांच्या मृतदेहाचे शवविच्छेदन करण्यात आले. कायदेशीर प्रक्रिया पूर्ण झाल्यानंतर मृतदेह त्यांच्या तांबवे या मूळगावी आणण्यात येणार आहे. सायंकाळी त्यांच्या पार्थिवावर शासकीय इतमामात अंत्यसंस्कार होणार आहेत. प्रवीण काटवटे यांच्या पश्चात पत्नी, मुले, भाऊ, असा परिवार आहे.
Pune Crime : आय लव्ह यू… बायकोच्या फोनवरुन मित्राला मेसेज, पुण्यात समीर जाधवने परफेक्ट मर्डर रचला, पण तीन गोष्टींनी गेम फिरला

पुण्यात तरुणाचा मारहाणीत मृत्यू

दुसरीकडे, पेट्रोल भरण्यासाठी दुचाकी रांगेत न लावल्याच्या कारणावरून पंपावरील कामगारांनी मारहाण केल्याने तरुणाचा मृत्यू झाल्याची घटना पुण्यातील वारजे माळवाडी परिसरात घडली. या प्रकरणी पोलिसांनी चार कामगारांविरोधात गुन्हा दाखल केला आहे. ही घटना १३ ऑक्टोबर रोजी पहाटे सव्वातीनच्या सुमारास वारजे येथील शेल पेट्रोल पंपावर घडली होती.
Raigad Crime : दरमहा दहा हजार व्याजाचं आमिष, कोकणात कोट्यवधींचा हाय प्रोफाईल घोटाळा, विशाल शिंपी सापडला, मास्टरमाईंडबाबत काय समजलं?
यश राजेंद्र पवार, वय २० वर्ष, असे मृत्युमुखी पडलेल्या तरुणाचे नाव आहे. त्याचे वडील राजेंद्र बाबूराव पवार, वय ५१ वर्ष, दोघे रा. कापडे बुद्रुक, पोलादपूर, रायगड, यांनी वारजे पोलिस ठाण्यात तक्रार दिली आहे. त्यानुसार पेट्रोल पंपावरील कामगार शिवराज अंबाराया गुत्ती, वय २३, जीवन महादेव कवे, वय २५, दोघे रा. अहिरे गाव, गणपती माथा, वारजे माळवाडी, संकेत धनाजी लंकेश्वर, वय २५, रा. उत्तमनगर, एनडीए रस्ता, रितेश राजेंद्र गायकवाड, वय २२, रा. जय गणेश अपार्टमेंट, सह्याद्री शाळेजवळ, वारजे माळवाडी, यांच्या विरोधात सदोष मनुष्यवधासह इतर कलमांनुसार गुन्हा दाखल करण्यात आला आहे.