6 नोव्हेंबरला बुलढाण्याची खुशबू आपल्या नेहमीच्या प्रमाणे कार्यालयात जात असताना, बीकेसी परिसरातील एशियन हार्ट हॉस्पिटल जंक्शनजवळ रस्ता ओलांडत असताना तिला भरधाव वेगाने येणाऱ्या पाण्याच्या टँकरने जोरदार धडक दिली. नेहमीच्या कामाच्या लगबगिने खुशबू घराबाहेर पडली. पण, तिला क्षणाचीही कल्पना नसेल की ती तिच्यासोबत असं काही घडेल. कार्यालयात जात असताना, बीकेसी परिसरातील एशियन हार्ट हॉस्पिटल जंक्शनजवळ रस्ता ओलांडत असताना तिला भरधाव वेगाने येणाऱ्या पाण्याच्या टँकरने जोरदार धडक दिली.
लेस्बियन पार्टनरसाठी आपल्याच पाच महिन्यांच्या मुलाला संपवलं; फोन रेकॉर्डिंगवरुन भयंकर घटनेचा उलगडा
या धडकेत ती गंभीर जखमी झाली. सहकाऱ्यांनी तिला तातडीने रुग्णालयात दाखल केले, मात्र उपचारादरम्यान डॉक्टरांनी तिला मृत घोषित केले.
विशेष म्हणजे, खुशबूचा विवाह 12 फेब्रुवारी रोजी होणार होता. भावी आयुष्याची सुंदर स्वप्नं रंगवत असतानाच नियतीने तिच्यावर काळाचा घाला घातला. या दुर्घटनेने मलकापूर शहरात शोककळा पसरली असून सर्वत्र हळहळ व्यक्त केली जात आहे.

खुशबू ही मलकापूर शहरातील प्रतिष्ठित समाजसेवक आणि व्यापारी ताराचंद परयाणी यांचे बंधू दीपक परयाणी यांची मुलगी होती. तिच्या निधनाने परयाणी कुटुंबासह परिचित आणि व्यावसायिक वर्तुळात दुःखाचे सावट पसरले आहे. तिच्या मागे आई-वडील भाऊ आणि काका असा परिवार सोडून ती निघून गेली.

कामाच्या लगबग आणि विचाराने अपघाताचे सत्र वाढते

घरून निघाल्यानंतर वेळेवर कार्यालयात पोहोचणे व तिथे पोचल्यानंतर कामांमध्ये दररोज आपल्याला सिद्ध करणे या धावपळीत आपण क्षणभरचा रस्ता ओलांडताना किंवा वाहन चालवताना दुर्लक्ष करतो. अशामुळेच या घटनांना दिवसेंदिवस वाढ होत आहे. त्यामुळे आपल्या आयुष्य जीव हा महत्त्वाचा आहे. क्षणभर उशीर होऊ द्या, विचार करा, मग सर्व काही निर्णय घेत आपल्या कार्यालय आणि आपल्याला जे गाठायचे आहे तिथपर्यंत पोहोचणे आवश्यक आहे.