ओमकेश जाधव हा नांदेड शहरातील सिडको भागातील रहिवासी आहे. त्याचे वडील उत्तमराव जाधव हे जिल्हा परिषद शाळेत शिक्षक पदी कार्यरत आहे. ओमकेश हा सद्या हिंगोली जिल्हा परिषद कार्यालयात उपशिक्षण अधिकारी पदी सेवेत आहे. मोठा अधिकारी बनण्याच त्याचं स्वप्न होतं, त्यानुसार त्याने 2019 पासून त्याने स्पर्धा परीक्षेची तयारी सुरु केली. पुणे येथे रूमवर राहून कुठलेही क्लासेस न लावता त्याने अभ्यास सुरु ठेवला. प्रथम त्याने 2020 साली एमपीएससी मार्फत परीक्षा दिली. मात्र, त्या परीक्षेत त्याचा 126वा रँक आला. मात्र, त्याला शासकीय सेवेत संधी मिळाली नाही. त्यानंतरही खचून न जाता त्याने प्रयत्न सुरू ठेवले. त्यानंतर स्पर्धा परीक्षेच्या माध्यमातून त्याची 2021 साली कामगार अधिकारी पदी निवड झाली होती.

Ajit Pawar : ‘जे खरं नसेल, त्याची बदनामी करु नका’, पार्थ पवार जमीन घोटाळा प्रकरणात अजित पवारांचं स्पष्टीकरण, म्हणाले…
तसेच 2022 साली उपशिक्षण अधिकारी तसेच 2023 आणि 2024 मध्येही तो यशस्वी ठरला. पाचव्या प्रयत्नात त्याची हिंगोली जिल्ह्यात उपशिक्षण अधिकारी पदी निवड झाली. या पदावर असताना देखील 2024 मध्ये घेण्यात आलेल्या प्रशासकीय अधिकारी परीक्षेत त्याने राज्यात 54वा रँक मिळवला. त्या परिक्षेचा निकाल आता दोन दिवसांपूर्वी लागला. एकूण सहावेळा स्पर्धा परीक्षा देऊन ओमकेश याने प्रत्येकवेळी उत्तीर्णता मिळवली. गट विकास अधिकारी किंवा जीएसटी विभागात सहायक आयुक्त, उद्योग उपसंचालक यापदी काम करण्याची संधी मिळेल असा त्याला विश्वास आहे.

अखेर ठरलं..! महाविकास आघाडी स्थानिक स्वराज्य संस्था निवडणूक एकत्र लढणार, कुणाला किती जागा मिळणार?

ओमकेश जाधव याचं प्राथमिक शिक्षण नायगाव तालुक्यातील जनता हायस्कूल येथे झालं. त्यानंतर पुढील 12वी पर्यंतच शिक्षण नवोदय विद्यालयात तर उच्च शिक्षणासाठी त्यांनी पुणे येथील डी. वाय. पाटील इंजिनिअरिंग कॉलेज मध्ये प्रवेश घेतला. वडील उत्तमराव जाधव आणि आई सुमन जाधव यांचं त्याला नेहमी सहकार्य मिळायचं. आपल्या मुलाला अधिकारी बनवण्यासाठी आई वडिलांनी कोणत्याच गोष्टीची कमतरता पडू दिली नाही. जिद्द, परिश्रम आणि स्वतःवरील विश्वास असेल, तर कोणतेही स्वप्न अशक्य नाही हेच ओमकेश जाधव याने आपल्या कर्तृत्वाने सिद्ध करून दाखवलं आहे. अपयशानंतर लोक काय म्हणतील याकडे दुर्लक्ष करून प्रयत्न सुरूच ठेवावं यश नक्की मिळेल, असा संदेश ओमकेश जाधव यांनी स्पर्धा परीक्षा देणाऱ्या विद्यार्थ्यांना दिला आहे. त्याच्या या प्रेरणादायी प्रवासाचे सर्व स्तरातून कौतुक होतं आहे. दरम्यान, मुलाने यशाचं शिखर गाठल्याने आई वडिलांचा आनंद द्विगुणित झाला आहे.