कोथरूड पोलिसांनी दिलेल्या माहितीनुसार, दीपक पुंडलिकराव डोळस हे ब्रिटनमधील एका आयटी कंपनीत काम करत होते. त्यांच्या दोन मुलींपैकी एक मुलगी गतिमंद होती, तर दुसरी गंभीर आजाराने त्रस्त होती. उपचारांसाठी २०१० मध्ये ते भारतात परतले. याच दरम्यान त्यांची ओळख दीपक खडके याच्याशी झाली. खडकेने डोळस यांची ओळख वेदिका पंढरपूरकर हिच्याशी करून दिली. वेदिका आपल्या अंगात दैवी शक्ती येत असल्याचा दावा करत असे.
Pune Crime : पोरींच्या प्रेमापायी बाप सगळं गमावून बसला! शंकर महाराजांच्या नावाने महिला मांत्रिकाने पुण्यातील इंजिनियरला १४ कोटींना गंडवलं, इंग्लंडचं फार्महाऊसही…
वेदिकाने डोळस दाम्पत्याला सांगितले की, “तुमच्या मुलींचे आजार हे तुमच्या संपत्तीमुळे आहेत. घरात दोष आहे. संपत्ती विकून टाकल्यास आणि पैसे वेगळ्या ठिकाणी ठेवल्यास मुली बऱ्या होतील. पैसे घरी ठेवले तर कुटुंबावर संकट येईल.” या बोलण्यावर विश्वास ठेवून डोळस दाम्पत्याने आपली सर्व संपत्ती विकली आणि १३ कोटी २० लाख रुपये वेदिकाच्या खात्यात जमा केले. मात्र, मुलींच्या आरोग्यात काहीही सुधारणा झाली नाही. फसवणूक झाल्याचे लक्षात आल्यावर दीपक डोळस यांनी कोथरूड पोलिस ठाण्यात तक्रार दिली. या प्रकरणी पोलिसांनी वेदिका कुणाल पंढरपूरकर, कुणाल वैजनाथ पंढरपूरकर आणि दीपक जनार्दन खडके यांना अटक केली आहे. वेदिकाची आई आणि भाऊ अजूनही फरार आहेत, त्यांच्यावरही गुन्हा दाखल करण्यात आला आहे. उकळलेल्या पैशांनी आरोपी महिलेने पुण्यातील महात्मा सोसायटीत बंगला घेतल्याची माहिती समजत आहे.
Pune Crime : पुण्यातील १४ कोटी फसवणूक प्रकरणात धक्कादायक माहिती समोर, भोंदू बाबाने मुलीचा आजार बरा करतो सांगत कोणती भीती दाखवलेली?
या आरोपींना १४ नोव्हेंबरपर्यंत पोलिस कोठडी सुनावण्यात आली आहे. न्यायालयाने आरोपींकडून फसवणुकीचे १३ कोटी २० लाख रुपये जप्त करण्याचे आदेश दिले आहेत. तसेच, या कथित दरबाराच्या माध्यमातून आणखी कोणाची फसवणूक झाली आहे का, याचा तपास पोलीस करत आहेत. तक्रारदारांचे वकील अॅड. विजयसिंह ठोंबरे यांनी युक्तिवाद केला की, “आरोपींनी माणुसकीला काळिमा फाणारे कृत्य केले आहे. त्यांना कोणतीही दयामाया दाखवू नये.” यावर न्यायालयाने आरोपींना पोलिस कोठडी सुनावली. पुढील तपास निरीक्षक अनिल माने करत आहेत.