दरम्यान, अमित साटम यांच्या आरोपानंतर शेख यांनी याबाबत स्पष्टीकरण देताना ही निवडणूक आयोगाची चूक असल्याचे म्हटले आहे. अस्लम शेख यांचे ज्या मतदारयादीत नाव आहे, त्या मतदारयाद्यांचे फोटोही शेअर करीत साटम यांनी शेख यांना लक्ष्य केले आहे. साटम यांनी शेअर केलेल्या या पोस्टमध्ये मतदारयादीतील सविस्तर माहितीही देण्यात आली आहे.

ही निवडणूक आयोगाची चूक
माझे नाव अजून कुठल्या निवडणूक याद्यांमध्ये आहे, याबाबत मला स्वप्न पडले का माझे नाव दोन मतदारयाद्यांमध्ये असणे, ही निवडणूक आयोगाची चूक आहे. याची सर्वस्वी जबाबदारीही आयोगाचीच आहे, अशी भूमिका शेख यांनी शुक्रवार मांडली. सॉफ्टवेअरच्या मदतीने दुबार मतदार शोधणे सहज शक्य आहे, मात्र असे असताना मतदारयाद्यांमध्ये प्रचंड प्रमाणात घोळ आहेत, असे शेख म्हणाले. महापालिका निवडणूक काँग्रेसने स्वबळावर लढावी अशी भावना असल्याचेही शेख म्हणाले.

मुंबईकरानो, स्वस्तात घर हवंय? छोटीशी चूक देखील महागात पडू शकते, वडाळ्यात 103 जणांनी कोट्यवधी गमावले
माझ्या कार्यालयात वंदे मातरम् म्हणा
डोळ्यांसमोर ठेऊन भाजपचे वंदे मातरम् गायनाचा कार्यक्रम आयोजित करीत आहेत. मी भाजपच्या नेत्यांना विनंती करतो, रस्त्यावर कार्यक्रम घेण्यापेक्षा माझ्या कार्यालयात कार्यक्रम आयोजित करावा, आम्ही त्यांना सर्व सोयीसुविधा उपलब्ध करून देऊ. निवडणूक महाविकास आघाडी म्हणून लढवायची की स्वतंत्रपणे, याबाबतचा निर्णय पक्षाचे वरिष्ठ नेते घेतील. पण कार्यकत्यांची भावना स्वतंत्र निवडणूक लढण्याची आहे. मुंबई महानगरपालिकेवर काँग्रेसचाच महापौर बसेल, असा आम्हाला ठाम विश्वास आहे, असे ते म्हणाले.