‘माझे पती मराठा आंदोलक जरांगे पाटलांचे सुरुवातीपासून कार्यकर्ते आहेत. त्यांच्या मोबाईलमध्ये व स्टेटसला नेहमी जरांगे पाटलांचे फोटो असतात. ते जरांगे पाटलांना देव मानतात. माझ्या पतीला या प्रकरणात अडकवलं जातंय. त्यांचा काहीही संबंध नाही’, असंही आरोपी अमोल खुणे याची पत्नी आणि आईने म्हटलं आहे. तसेच ‘माझ्या पतीने व आम्ही जरांगे पाटलांसाठी याआधीही जेल भोगलेले आहे, आता पुन्हा आम्हाला अडकवले जात आहे’, असा आरोपही त्यांनी केला आहे.

नातं टिकवणार की राजकारण? अलिबागमध्ये सोयरिक, संघटना आणि राजकीय प्रतिष्ठेची त्रिसंघर्षात्मक लढत

मनोज जरांगेंना मारण्यासाठी किती कोटींची सुपारी?

गोरगरीब मराठा समाज बांधव यांच्या न्याय हक्कासाठी राज्यभरात लढा उभा करणारे योद्धा म्हणजे मनोज जरांगे पाटील . मागील तीन वर्षांपासून घराघरात पोहोचलेला चेहरा आहे. कित्तेक आंदोलन, आमरण उपोषण, रास्ता रोको करत थेट मुंबई गाठून आरक्षण त्यांनी पदरात पाडून घेतलं. मात्र, याच धाडसी योध्दाला म्हणजे मनोज जरांगे पाटील यांना जीवे मारण्यासाठी तब्बल 2 कोटी रुपयांची सुपारी दिल्याचा धक्कादायक प्रकार समोर आला आहे. याप्रकरणी जालना स्थानिक गुन्हे शाखेनं बीड जिल्ह्यातील दोघांना ताब्यात घेतलं असून, त्यांची नावं अमोल खुणे आणि दादा गरुड अशी आहेत. विशेष म्हणजे, ताब्यात घेतलेला अमोल खुणे हा मनोज जरांगे पाटील यांचा जुना सहकारी असल्याचं समोर आलं आहे.

Pune News : पार्थ पवारांसोबत उपमुख्यमंत्री अजित पवार अडचणीत येणार? भाजपच्या ‘या’ बड्या नेत्यानं स्पष्टच सांगितलं…

यासंदर्भात प्रसार माध्यमांच्या कॅमेरासमोर न येता जालना पोलिसांनी माहिती दिली आहे की, प्राथमिक चौकशीतून समोर आलेल्या माहितीनुसार, परळीतील एका नेत्याने काही कोटी रुपयांची ऑफर देत जरांगे यांच्या हत्येचा कट रचल्याची शक्यता व्यक्त केली जात आहे. या पार्श्वभूमीवर पोलिसांनी ताब्यात घेतलेल्या दोघांची कसून चौकशी सुरू आहे. गुन्हे शाखेच्या कारवाईमुळे राजकीय वर्तुळात आणि मराठा आंदोलनाच्या कार्यकर्त्यांमध्ये एकच खळबळ उडाली आहे.