Pune Crime: पुण्यात एका तोतया आयपीएस अधिकाऱ्याला पोलिसांनी अटक केली आहे. सागर वाघमोडे नावाचा हा तरुण स्वतःला वरिष्ठ अधिकारी असल्याचे भासवत होता आणि त्याने अनेक ठिकाणी अधिकाऱ्यांशी भेटीगाठीही घेतल्या. पोलीस आयुक्तालयात त्याची फसवणूक उघडकीस आली आहे.
मिळालेल्या माहितीनुसार, तक्रारदार भाविक जितेंद्र शहा आणि सागर वाघमोडे हे गेली चार वर्षे एकमेकांना ओळखत होते. वाघमोडे याने शहा यांना आपण ‘आयपीएस’ अधिकारी असल्याचे भासवलं होतं. त्याने शहा यांना 31 ऑक्टोबरला भेटायला बोलावलं. त्यानंतर सागर वाघमोडेने शहांना महापालिका अतिरिक्त आयुक्त, एसीपी लष्कर आणि आयकर आयुक्त अशा वरिष्ठ अधिकाऱ्यांकडे नेलं. तिथेही त्याने ‘आयपीएस’ अधिकारी असल्याचं सांगून इतर अधिकाऱ्यांशी भेटीगाठी घेतल्या.
भेटीगाठी घेतल्यानंतर वाघमोडे थेट पोलीस आयुक्तालयात पोहोचला. तिथे विशेष शाखेचे पोलीस उपायुक्त संदीप भाजीभाकरे थांबले होते. वाघमोडे त्यांच्याजवळ गेला आणि म्हणाला, ‘मी झोन एकचे उपायुक्त कृषीकेश रावले यांचा बॅचमेट आहे.’ भाजीभाकरे यांनी त्याला ओळख विचारली असता, वाघमोडेची बोलती बंद झाली. भाजीभाकरे यांनी सांगितलं की, ‘आपण सागर घोरपडेला ओळखत असून, त्याच्यावर अहिल्यानगरच्या कोतवाली पोलिस ठाणे, हरिद्वार, उत्तराखंड येथे तोतया ‘आयपीएस’ अधिकारी असल्याचं भासवल्याबद्दल गुन्हा दाखल आहे.’ अशा प्रकारे पोलिस आयुक्तालयात ‘आयपीएस’ अधिकारी म्हणून मिरवणाऱ्या या तोतयाचे बिंग फुटलं.
दरम्यान, तोतया सागर वाघमोडे याला पोलीस आयुक्तालय परिसरातून ताब्यात घेण्यात आलं असून, त्याच्याविरुद्ध गुन्हा दाखल करण्यात आला आहे.
लेखकाबद्दलअक्षय शितोळेअक्षय शितोळे | २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील रिपोर्टर्ससोबत समन्वय साधण्याचेही काम करत आहे. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत. यापूर्वी लोकमत, न्यूज १८ लोकमत आणि एबीपी माझा या संस्थांमध्येही कामाचा अनुभव असून मुंबईतील रूईया महाविद्यालयातून पत्रकारितेत पदवी प्राप्त केली आहे.… आणखी वाचा