पुण्यानंतर आता अहिल्यानगरात जैन समाजाच्या जागेचा वाद पेटला आहे. आमदार संग्राम जगताप निर्दोष असल्याचा ट्रस्टी आणि भाडेकरूंनी दावा केला आहे. तर रवींद्र धंगेकर उद्या धर्मदाय आयुक्तांची भेट घेणार आहेत.
ट्रस्टींचा खुलासा, व्यवहारच नाही
“सदर जागा मंगूबाई होरा यांनी १९७५ साली जैन समाजाला दान केली होती. त्या वेळीच मृत्युपत्रात स्पष्ट नमूद केले आहे की, त्या जागेवरील भाडेकरूंना जोपर्यंत इच्छा असेल तोपर्यंत तिथे राहता येईल. त्यामुळे आजही गणेश गोंडाळ हे जागेचे कायदेशीर भाडेकरू आहेत. या जागेचा ना ताबा बदलला आहे, ना कोणताही व्यवहार झाला आहे. किरण काळे यांनी केलेले आरोप पूर्णतः खोटे आहेत”, असा खुलासा ट्रस्टी सुभाष मुथ्था यांनी केला.
भाडेकरूंचेही प्रत्युत्तर, ‘जागा माझ्या ताब्यातच’
“मी आजही त्या जागेचा भाडेकरू आहे. माझेच ऑफिस त्या ठिकाणी आहे. आमदार संग्राम जगताप कधीतरी माझ्याकडे भेट देतात. मात्र तेथील जागा त्यांचे कार्यालय नाही. किरण काळे यांनी मृत्युपत्रातील भाडेकरूंचा उल्लेख जाणीवपूर्वक लपवला आणि दिशाभूल करण्याचा प्रयत्न केला”, असा दावा भाडेकरू गणेश गोंडाळ यांनी केला.
महाराष्ट्रातील स्थानिक स्वराज्य संस्थांच्या निवडणुका जाहीर, 2 डिसेंबरला मतदान, 3 डिसेंबरला मतमोजणी, वाचा संपूर्ण कार्यक्रम
धंगेकर नगरचे जैन समाजाचे ट्रस्टी आणि धर्मदाय आयुक्तांची भेट घेणार
दरम्यान, या प्रकरणात आता काँग्रेसचे नेते रवींद्र धंगेकरही मैदानात उतरले आहेत. “आमदार संग्राम जगताप यांनी जैन समाजाची जागा लाटली का? या संदर्भात आम्ही उद्या नगरचे जैन समाजाचे ट्रस्टी व धर्मदाय आयुक्तांची भेट घेणार आहोत. जागा विकताना कोणी दबाव आणला का? हेही आम्ही तपासणार आहोत. एक चांगल्या कामासाठी आम्ही किरण काळे यांना नक्कीच पाठिंबा देऊ. दादा गिरणी घेतली की लाटली हे सत्य बाहेर यायला हवे”, असं रवींद्र धंगेकर म्हणाले.मतदारयाद्यांमधील घोळ ते EVM, निवडणूक आयुक्तांना पत्रकारांच्या प्रश्नांनी घेरलं, दिनेश वाघमारेंनी काय-काय उत्तरे दिली?
राजकारण तापण्याची शक्यता
या खुलाशामुळे किरण काळे यांनी केलेल्या आरोपांवर मोठे प्रश्नचिन्ह निर्माण झाले आहे. आता त्यांच्या पुढच्या भूमिकेकडे सर्वांचे लक्ष लागले आहे. या वादात राजकीय रंग गडद होत असून, संग्राम जगताप, किरण काळे, रवींद्र धंगेकर यांच्यातील संघर्ष आणखी पेटण्याची चिन्हे दिसत आहेत.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा