पैशांवरुन वाद विकोपाला आणि नको ते घडलं

मयत रितेश पावडे हा पावडेवाडी गावातील रहिवासी आहे. वर्षभरापूर्वी पैश्याच्या देवाण घेवाणवरून गावातील संशयीत आरोपी केशव पावडे आणि दिगंबर पावडे यांच्या सोबत वाद झाला होता. दोघांनी एकमेकांविरोधात भाग्यनगर पोलीस ठाण्यात मारहाणीची तक्रार केली होती. पोलिसांनी गुन्हा दाखल केला होता.
Nanded News : लग्नानंतरही लेकीला त्रास द्यायचा, भाऊ आणि वडिलांनी तरुणाला संपवलं; नंतर बॉडी… भयंकर कृत्याने खळबळ

चाकून शरीरावर वार

शनिवारी रितेश पावडे हा मित्रांसोबत एका हॉटेलमध्ये जेवण करण्यासाठी गेला होता. रात्री एक ते दिड वाजेच्या सुमारास जेवण करून तो दुचाकीवरून घरी निघाला. गावात येताच त्याचा संशयीत आरोपी सोबत पुन्हा वाद झाला. यावेळी आरोपीनी रितेशच्या हातावर, छाती, पोटावर आणि डोक्यावर शस्त्राने अनेक वार केले. रक्तबंबाळ झालेल्या रितेशचा रुग्णालयात नेण्यापूर्वीच मृत्यू झाला. रितेशच्या जाण्याने त्याच्या कुटुंबावर शोककळा पसरली आहे.

तरुणाने मृत्यूआधी सांगितली आरोपींची नावं

घटनेची माहिती मिळताच अप्पर पोलीस अधीक्षक सूरज गुरव, उपविभागीय पोलीस अधिकारी व्यंजने, पोलीस निरीक्षक संतोष तांबे यांनी घटनास्थळी धाव घेतली. मृत्यूपूर्वी रितेश याने केशव पावडे आणि दिगंबर पावडे यांची नावं घेतल्याची माहिती आहे. पोलिसांनी या दोन्ही संशयीताना ताब्यात घेतलं. इतर आरोपींचा समावेश आहे का? याचा तपास पोलीस करत आहेत. दरम्यान या प्रकरणी भाग्यनगर पोलीस ठाण्यात हत्येचा गुन्हा दाखल करण्यात आला आहे. या घटनेने पावडेवाडी गावात खळबळ उडाली आहे.