काय घडलं?
पारडीच्या एचबी टाउन येथे शुक्रवारी रात्री ही घटना घडली होती. खिलेश्वर रामेश्वर बिसेन (वय १९, रा. श्यामनगर, पारडी नाका), अन्नू ऊर्फ अनस अहमद अब्दुल वकील (वय १९, रा. गंगाबाग, पारडी), प्रतीक ऊर्फ आदित्य राजू करंडेकर (वय १९, रा. साईनगर, कळमना) व प्रवीण मृत्युंजय पांडे (वय २०, रा. भवानीनगर, पारडी) अशी अटकेतील मारेकऱ्यांची नावे आहेत. नूर हा अंजुमन कॉलेज ऑफ इंजिनीअरिंगमध्ये बीटेकच्या अंतिम वर्षाला शिकत होता. नूरचा मित्र हर्षल संजय रामटेके (वय २१, रा. पडोळेनगर, वाठोडा) हा जीएच रायसोनी कॉलेज ऑफ इंजीनिअरिंगमध्ये बीटेकच्या तृतीय वर्षाला तर बिसेन हा याच कॉलेजमध्ये हर्षलसोबत शिकतो. पांडेही अभियांत्रिकीचे शिक्षण घेत असून, १७वर्षीय अल्पवयीन मुलगा बारावीत आहे.
Nagpur News: कार्यालयीन कलह व छळाने महिला अधिकाऱ्याचा मृत्यू, खुर्चीसाठी धुसफूस करणाऱ्या शोभा मुधोळ आरोपांच्या घेऱ्यात
प्राप्त माहितीनुसार, अभियांत्रिकी महाविद्यालयात नोकरीसाठी विद्याथ्यांची चाचणी परीक्षा घेण्यात येते. कंपन्यांचे पेपर सारखेच असतात. परीक्षेत बहुतांश विद्यार्थी कॉपी करून पेपर सोडवितात. याच पेपरच्या कॉपीवरून हर्षल व बिसेनचा अनेक दिवसांपासून वाद सुरू आहे. याबाबत हर्षलने नूरलाही सांगितले होते.
Nagpur News: उपराजधानीत २० दिवसांत चार मातामृत्यू; लता मंगेशकर हॉस्पिटलमधील घटना, काय कारण?
शनिवारी पोलिसांनी बिसेन व त्याच्या साथीदारांना न्यायालयात हजर केले. न्यायालयाने चौघांची चार दिवस पोलिस कोठडीत रवानगी केली. बिसेन व हर्षलचा अनेक दिवसांपासून वाद सुरू आहे. या वादातूनच नूर हत्याकांड घडल्याचा दावा पोलिस करीत आहेत.