मृत्यू झालेल्यांमध्ये हिंगण्यातील दोन, खापरीतील एक आणि गडचिरोलीतील एका महिलेचा समावेश आहे. पहिला मृत्यू ८ ऑक्टोबर रोजी झाला. या कालावधीत काही मृत्यू झाले असून चौथा मृत्यू ३० ऑक्टोबर रोजी झाला. शासनाने या प्रकाराची गंभीर दखल घेत आरोग्य विभागाचे सहायक संचालक डॉ. श्रीराम गोगुलवार यांच्या अध्यक्षतेखाली चौकशीसाठी समिती नेमली आहे. या समितीत स्त्रीरोगतज्ज्ञ, जिल्हा बालसंगोपन अधिकारी, मेडिकल, मेयो येथील डॉक्टर अशा आठ जणांचा समावेश आहे. शुक्रवारी या समितीने हॉस्पिटलला भेट देऊन हॉस्पिटलची तपासणी केली.

Akola Riots: अकोला एसआयटीला आक्षेप; आदेशाच्या फेरविचारासाठी महाराष्ट्र सरकार सर्वोच्च न्यायालयात
मृत्यूची तीन प्राथमिक कारणे
अचानक झालेल्या मातामृत्यूची कारणे शोधत असताना, प्रामुख्याने तीन प्राथमिक कारणे समोर आली आहेत. त्यात रक्त गोठण्याची प्रक्रिया थांबून अतिरिक्त रक्तस्राव होणे, किडनीवर सूज येणे, इतर अवयवांवर सूज येणे यांचा समावेश आहे, अशी माहिती समितीच्या सदस्यांनी दिली.

संसर्ग की औषधोपचार?
मातामृत्यूची कारणे समोर आली असताना, त्यास संसर्ग जबाबदार आहे की, चुकीची औषधे याचा शोध समिती घेत आहे. सिझरनंतर हे मृत्यू झाले असल्याने ऑपरेशन थिएटरमधून हा संसर्ग पसरला असण्याची शक्यता वर्तविली जात आहे. त्याची सत्यता तपासण्यासाठी तीन दिवस नमुने घेतले जाणार आहेत.

NDA Manifesto: तरुणांना नोकऱ्या, मोफत उपचार, 1 कोटी महिला होणार लखपती दीदी; ‘एनडीए’च्या जाहीरनाम्यात मोठी आश्वासनं
‘त्या’ औषधांचा वापर थांबविला
या महिलांच्या ऑपरेशनसाठी वापरण्यात आलेल्या औषधांचा वापर तात्पुरता थांबविण्यात आला आहे. ज्या बॅचची ही औषधे होती, ती बेंच औषधांच्या साठ्यातून बाजूला काढण्यात आली आहे. अँटिबायोटिक, पेनकिलर अशा औषधांचा यात समावेश आहे. औषधांचे नमुने अन्न व औषध प्रशासन विभागाकडे (एफडीए) तपासणीसाठी पाठविण्यात आले आहेत. या घटनांचा तपास सुरू असून नमुने एफडीएकडे पाठविण्यात येणार आहे, असे चौकशी समितीचे अध्यक्ष डॉ. गोगुलवार यांनी सांगितले. तर, ‘नऊ महिन्यात एकही मृत्यू या हॉस्पिटलमध्ये झाला नाही. मात्र २० दिवसांत चार मृत्यू झाले आहेत. तपासात डॉक्टरांकडून हलगर्जीपणा झाला असे कुठेही आढळून आलेले नाही’ असे लता मंगेशकर हॉस्पिटलचे वैद्यकीय अधीक्षक डॉ. नितीन देवस्थळे यांनी सांगितले