महिला डॉक्टरने आत्महत्या करण्यापूर्वी गोपाल बदने आणि प्रशांत बनकर या दोघांवर मानसिक व शारिरीक छळाचा आरोप केला होता. याबाबत त्यांनी हातावर नोट लिहिली होती. डॉक्टरच्या आत्महत्येनंतर पोलिसांनी तातडीने प्रशांत बनकरच्या घरी जाऊन त्याला अटक केली. त्यानंतर त्याचा लॅपटॉप पोलिसांनी जप्त केला आहे. त्यातून पोलिसांना मोठे पुरावे हाती लागले आहेत. गोपाल बदने हा दोन दिवस फरार होता. पहिले तो पंढरपूर येथे गेला, त्यानंतर सोलापूर आणि मग कुटुंबीयांना भेटण्यासाठी बीडला गेला. त्यानंतर तो फलटण पोलीस ठाण्यात येऊन सरेंडर झाला. मात्र, सरेंडर होताना गोपाल बदनेने फोन जमा केला नाही. त्याने चालाखीने तो फोन कुठेतरी लपवला होता. तर चौकशीत गोपाल बदने सहकार्य करत नसल्याचं पोलिसांनी कोर्टात सांगितलं आहे.

सहाय्यक पोलीस निरीक्षक अमोल वाघमारे यांच्याकडून रोहित आर्यचा थरारक एन्काऊंटर

रात्री एका हॉटेलच्या खोलीत गळफास

या धक्कादायक घटनेनं संपूर्ण महाराष्ट्र हादरला आहे. उपजिल्हा रुग्णालयात कार्यरत असलेल्या एका महिला डॉक्टरने 23 ऑक्टोबर रात्री एका हॉटेलच्या खोलीत गळफास घेऊन जीवन संपवलं. आत्महत्येपूर्वी त्यांनी आपल्या हातावर काही मजकूर लिहून ठेवला होता, ज्यामध्ये निलंबित पोलीस उपनिरीक्षक गोपाल बदने याच्यावर चारवेळा लैंगिक अत्याचार केल्याचा गंभीर आरोप केला होता.

Pune Crime : ओढणीला घामाचा वास, पुरावे नष्ट करण्याचा प्रयत्न पण…; पुण्यातील नकुल भोईरच्या हत्येचा उलगडा कसा झाला?

या प्रकरणामुळे वैद्यकीय आणि पोलीस वर्तुळात खळबळ उडाली आहे. गेल्या काही महिन्यांपासून पीडित महिला डॉक्टर आणि फलटण पोलिसांमध्ये तणावाचं वातावरण होतं. या पार्श्वभूमीवर दोघांकडूनच प्रशासकीय स्तरावर तक्रारी करण्यात आल्या होत्या. दरम्यान, आरोपी पोलिस अधिकाऱ्यांच्या वैद्यकीय तपासणीसाठी फलटण पोलीस ठाण्याचे तत्कालीन निरीक्षक महाडिक यांनी जिल्हा आरोग्य विभागाशी संपर्क साधला होता. या चौकशीत महिला डॉक्टरने संबंधित पोलीस अधिकाऱ्यांविरुद्ध अनेक गंभीर आरोप नोंदवले होते.