डबल-डेकर फ्लायओव्हर

कर्वे रोडवर इंटिग्रेटेड डबल-डेकर फ्लायओव्हर आहे. त्याचप्रमाणे आता रामवाडी ते वाघोली ते विठ्ठलवाडी या भागातही डबल-डेकर फ्लायओव्हर असेल. हा फ्लायओव्हर पुणे-शिरूर एलिव्हेटेड कॉरिडॉर प्रकल्पाचा एक भाग आहे. या एलिव्हेटेड ब्रिजचा खर्च महा मेट्रो आणि महाराष्ट्र राज्य पायाभूत सुविधा विकास महामंडळ अर्थात एमएसआयडीसी असा दोघे मिळून केला जाणार असल्याची माहिती आहे.
Pune News : 23 स्थानकं, 23.3 किमी लांब मार्ग कसा असेल? माण-हिंजवडी ते शिवाजीनगर मेट्रोचा विस्तार, राज्य सरकारचे आदेश
वनाझ ते चांदणी चौक या मार्गाच्या विस्तारासाठी काही दिवसांपूर्वी निविदा काढण्यात आली होती. वनाझ ते चांदणी चौक आणि रामवाडी ते वाघोली आणि विठ्ठलवाडी या दोन्ही विस्तारांचं काम पूर्ण झाल्यानंतर, पुणे मेट्रो लाईन 2 ची लांबी वाढेल. तसंच या मार्गावर स्टेशन्सदेखील वाढतील. यामुळे पुणे मेट्रो लाईन 2 28.45 किमी होईल. तसंच या मार्गावर 29 स्थानकं असतील.पुणे मेट्रोच्या विस्ताराची ही योजना शहराची सार्वजनिक वाहतूक अधिक मजबूत करेल. पुणे मेट्रोचा विस्तार हा शहराच्या भविष्यातील गरजा लक्षात घेऊन केला जात आहे. रामवाडी ते वाघोली आणि विठ्ठलवाडीपर्यंतचा हा नवीन मार्ग प्रवाशांसाठी सोयीस्कर ठरेल. तसंच या मार्गामुळे पुणे शहराची, पुणे शहराच्या पूर्व भागातील कनेक्टिव्हिटी सुधारेल.
Pune News : रिंग रोडला आणखी विलंब, पहिल्या टप्प्यातील मार्गावर अडथळा; पुण्यातल्या या 44 गावातून जाणार वर्तुळाकार रस्ता

चांदणी चौकात पादचारी पूल उभारला जाणार –

मेट्रोच्या अधिकाऱ्यांनी दिलेल्या माहितीनुसार, मेट्रो लाईन 2 चा वनाझ ते रामवाडीपर्यंत विस्तार होण्याशिवाय पुण्यात आणखी एक पादचारी पूल उभारला जाणार आहे. पुणे मेट्रोकडून चांदणी चौकात मुंबई-बेंगळुरू राष्ट्रीय महामार्ग बायपासवरून प्रवास करणाऱ्या प्रवाशांच्या सोयीसाठी 580 मीटर लांबीचा पादचारी पूल उभारला जाण्याची योजना आहे.

पुणे मेट्रो पादचारी पूल चांदणी चौकातील पादचारी पुलाशी जोडला जाईल. या हे दोन मार्ग जोडल्यामुळे नागरिकांना मुंबई-बेंगळुरू या राष्ट्रीय महामार्गाच्या दोन्ही बाजूंनी जाता येईल, अशी माहिती अधिकाऱ्यांनी दिली आहे.