या प्रकरणी तालुका पोलिसांत नीरज अशोककुमार कापडिया (रा. जदाखाडी मैधरपुरा, सुरत) यांच्या फिर्यादीवरून चालक सागर निपुण शाह याच्याविरुद्ध भरधाव वेगाने वाहन चालवून मृत्यूस कारणीभूत ठरल्याचा गुन्हा दाखल करण्यात आला. अधिक तपास पोलिस निरीक्षक संदीप मंडलिक करीत आहेत.
पुराव्यांत फेरफार करणं भोवलं, नाशिकचे PI अशोक गिरी यांचे निलंबन, नेमकं प्रकरण काय?
बुलढाण्यात तरुणाचा मृत्यू
तर दुसरीकडे, म्हैस आडवी आल्याने दुचाकीला अपघात होऊन एका तरुणाचा जागीच मृत्यू झाला, तर त्याचा मित्र गंभीर जखमी झाला. ही दुर्दैवी घटना बुलढाणा जिल्ह्यातील मेहकर-डोणगाव मार्गावर खंडाळाजवळ सत्यजित कॉलेजसमोर मंगळवारी सकाळी ११ वाजता घडली. वाशीम जिल्ह्यातील वसारी येथील शिवम यादवराव जाधव आणि लोणी गवळी येथील गणेश कष्टे हे दोघे डोणगाव येथून एमएच २८ एडब्ल्यू २७४५ क्रमांकाच्या दुचाकीने मेहकरकडे जात होते. रस्त्यात अचानक म्हैस आडवी आल्याने दुचाकी अनियंत्रित होऊन हा अपघात झाला.