खैरे म्हणाले काही झालं नाही; निवडणूकी अगोदर किरकोळ वाद असतात

ठाकरेंच्या शिवसेनेच्या पदाधिकाऱ्यांनी थेट माजी खासदार चंद्रकांत खैरे यांच्याशी हुज्जत घातली अशी प्राथमिक माहिती समोर आली आहे. बैठकीतील गोंधळ शांत न झाल्याने खैरेंनी गोंधळ घालणाऱ्या पदाधिकाऱ्यांना दम दिला. शासकीय विश्रामगृह येथे बैठकीस आलेल्या माजी खासदार चंद्रकांत खैरे यांनी सांगितलं, की किरकोळ वाद होता. मी सगळ्यांना शांत केलं, निवडणुकी अगोदर काही वाद असतातच. नंतर सगळे येऊन माझ्या पाया पडले.
एकनाथ खडसेंच्या बंगल्यात मध्यरात्री चोरटे घुसले; कॅश आणि सोन्याचे दागिनेही लंपास, किती मुद्देमाल पळवला?

व्यंकटेश्वरा मंदिरात गोंधळ झाला

उद्धव सेनेच्या बैठकीतील गोंधळ वाढताच काहींनी बैठक सोडली. उद्धवसेनेचे नेते चंद्रकांत खैरे, तसंच सोलापूर संपर्कप्रमुख अनिल कोकीळ यांच्या प्रमुख उपस्थितीत शहर उत्तर व मध्य विधानसभा मतदारसंघाची बैठक झाली. सुरुवातीला उपनेत्या अस्मिता गायकवाड आणि महिला आघाडी प्रमुख अमिता जगदाळे यांच्यात वाद निर्माण झाला. त्यानंतर पुरुष पदाधिकाऱ्यांमध्येही जोरदार वादाला सुरुवात झाली.

बरडे समर्थकांनी ‘दासरी हटाव’चा नारा दिला. लहू गायकवाड, सुरेश जगताप आणि दत्ता कलाटी यांनी दासरींवर टीका केली. तर, शशिकांत बिराजदार आणि रविंद्र नागेणकेरी यांनी पक्षातील गद्दारांवर कारवाईची मागणी केली. त्यांचा रोख बरडे यांच्याकडे होता. त्यामुळे बरडे समर्थक संतापले. दुसरीकडे अस्मिता गायकवाड यांचा नावाचा उल्लेख एकेरी केल्याने त्यांच्या समर्थकांनी अजय दासरींना धारेवर धरले. यावेळी बराच वेळ गोंधळ सुरू होता.