काय आहे प्रकरण?

पोलिसांच्या माहितीनुसार, पीडित मुलगी सध्या कपूरबावडी परिसरात आपल्या कुटुंबासोबत राहते. ती यापूर्वी चेंबूर येथे राहत होती, तेथेच तिची आरोपी मुलाशी ओळख झाली होती. दोघांमध्ये प्रेमसंबंध निर्माण झाली आणि ती ठाण्यात स्थलांतर केल्यानंतरही त्यांचा संपर्क कायम होता.सोन्याचा हार चुकून कचऱ्यात फेकला, ढिगाऱ्यात शोधाशोध झाली आणि अखेर चमत्कार घडला, महिलेला…
भाऊबीजेच्या दिवशी मुलगी चेंबूरला गेली असता, दोघांमध्ये वाद झाला. वादादरम्यान आरोपीने तिच्यावर मारहाण केली असल्याचे समोर आले आहे. मुलीच्या नातेवाईकांनी मधे पडण्याचा प्रयत्न केला असता, आरोपीने त्यांनाही धमकी दिली आणि “तिला सोडणार नाही” असे म्हणत इशारा दिला. या घटनेने घाबरलेली मुलगी ठाण्यात परतली.

घरात एकटी असताना पेटवले

24 ऑक्टोबर रोजी ती घरात एकटी असताना शेजाऱ्यांना घरातून धूर येताना दिसला. त्यांनी तातडीने तिच्या आईला कळवले. कुटुंबीय घरी पोहोचले असता, घरात आरोपी मुलगा असल्याचे दिसले, तर मुलगी आगीच्या ज्वाळेत झगडत होती. तत्काळ तिला रुग्णालयात दाखल करण्यात आले. आरोपी मात्र घटनास्थळावरून पसार झाला. मुलीच्या आईच्या तक्रारीवरून पोलिसांनी त्याला नंतर ताब्यात घेतले.

या प्रकरणी कपूरबावडी पोलिसांनी भारतीय न्याय संहिता 2023 अंतर्गत ‘गंभीर दुखापत घडविणे’ आणि ‘प्रेरणा देणे’ या कलमांखाली गुन्हा नोंदवला आहे.

पोलिस निरिक्षक निलंबित

दरम्यान, आणखी एका घटनेत, नालासोपारा (पेल्हार) येथील मोठ्या मेफेड्रोन (एमडी) उत्पादन कारखान्याचा मुंबई पोलिसांनी भांडाफोड केल्यानंतर केवळ तीन दिवसांनी मीरा-भाईंदर-वसई-विरार (एमबीव्हीव्ही) पोलिस आयुक्तांनी पेल्हार पोलिस ठाण्याचे वरिष्ठ निरीक्षक जितेंद्र वानकोटी यांना निलंबित केले आहे.

पोलिस आयुक्त निकेत कौशिक यांनी “गंभीर निष्काळजीपणा” या कारणावरून वानकोटी यांच्यावर कारवाई केली. निलंबन आदेशात नमूद करण्यात आले आहे की बेकायदेशीर मेफेड्रोन कारखाना हा पेल्हार पोलिस ठाण्यापासून अवघ्या 200 ते 300 मीटर अंतरावर होता. इतक्या जवळ असूनही संबंधित अधिकाऱ्यांना या कारखान्याची कल्पना नव्हती, असे त्यांचे स्पष्टीकरण पोलिस विभागाने अस्वीकार्य ठरवले.