“मुंबईवरती कोणाचा डोळा आहे हे तुम्हाला माहिती आहे. खासकरुन दोन व्यापाऱ्यांचा, आजचं एकजण येऊन गेला, आज काय योगायोग आहे माहित नाही. सामनामध्ये दोन बातम्या पाहिल्या, एक पहिल्या पानावर आहे, ती म्हणजे भाजप कार्यालयाचं भूमिपूजन आणि दुसरी आतमध्ये आहे. जिजामाता उद्यानात लवकरचं अॅनाकोंडा येणार, आता आपण पेंग्विन आणले म्हणून लाखो पर्यटक वाढले, याचा मला अभिमान आहे.

Solapur News: द्राक्षबाग उद्ध्वस्त झालेल्या ‘त्या’ शेतकरी महिलेला आमदारपुत्राची भेट, शेतकरी महिलेचा पुन्हा टाहो
त्यावरून काही पेंग्विनच्या उंचीची आणि बुद्धीची माणसं आपल्यावर टीका करतात ते सोडून द्या. पण, अॅनाकोंडा म्हणजे सगळं गिळणारा साप. त्यांना मुंबई गिळायची आहे. बरं कशी गिळतोस तेच बघतो. नाही तुझं पोट फाडून बाहेर आलो तर नावाचा नाही,” असं उद्धव ठाकरे म्हणाले आहेत.

पुढे बोलताना उद्धव ठाकरे म्हणाले की, “भूमिपूजनाला आलास ना फोड ना नारळ, डोक्यावर फोड नाहीतर दगडावर फोड, एकच आहे. पण ते करतानासुद्धा घराणेशाहीवरती टीका. म्हणजे याचं कारटं क्रिकेट बोर्डावर मेरीटने झालंय, बरं घराणेशाही कोणाची ठाकरेंची? अरे उभा राहून दाखव समोर, म्हणून मला त्या अफदालीला सांगायचंय, की आम्ही आमच्या आईवडिलांचे ऋण माननारे पाईक आहोत. वारसदार आहोत. संजय राऊत म्हणाले तसं ब्रम्हचाऱ्यांची पिलावळ नाही, तुम्हा ब्रम्हचाऱ्यांना 40 पोरं झाली कशी? मला तुकाराम महाराजांचा अभंग आठवतो, तिचं परिस्थिती भाजपची झाली आहे. गाढवही गेलं आणि ब्रम्हचर्यही गेलं”, अशी घणाघाणी टीका उद्धव ठाकरेंनी भाजप व मोदी- शाहांवर केली आहे.

मुंबईमध्ये फक्त भगवाचं फडकवून दाखवणार असं सांगायलाही ते विसरले नाहीत. दरम्यान, या मेळाव्याला पदाधिकाऱ्यांनी व कार्यकर्त्यांनी प्रचंड गर्दी केली होती.