नेमकं काय घडलं?

पत्नीला तिच्या अनैतिक संबंधांबाबत पतीकडून वारंवार समजावून सांगितलं जात होतं. मात्र अनेकदा सांगितल्यानंतरही पत्नी एकायला तयार नव्हती. अशात संपूर्ण परिस्थितीला, पत्नीला, तिच्या अनैतिक संबंधांना कंटाळलेल्या पतीने संतापाच्या भरात पत्नीची हत्या केली. फावड्याने वार करून पत्नीला संपवलं. ही घटना एमआयडीसी पोलीस हद्दीतील पंचशिलनगर परिसरात घडली. 26 ऑक्टोबर रोजी हे हत्याकांड घडलं.
शेती मशागतीनंतर झाडाखाली बसली, पाणी पिताना अचानक…; लेकरांचं आईचं छत्र हरपलं, गावात हळहळ
रिंकी किशोर प्रधान (23, पंचशील नगर, एमआयडीसी) असं मृतक महिलेचं नाव असून पती किशोर शंकर प्रधान (31) असं आरोपीचं नाव आहे. गेल्या काही काळापासून किशोरला पत्नीच्या चारित्र्यावर संशय होता. पत्नीचं करण नावाच्या एका परिचित तरुणाशी अनैतिक संबंध असल्याचा संशय त्याला होता. ती सातत्याने त्याच्याशी फोनवर बोलत असते, असं त्याला वाटत होतं. यावरून अनेकदा त्यांच्यात वाद होत होते. कधी कधी ते वाद विकोपालादेखील जात होते. तिने संबंधित तरुणाशी बोलणं थांबवावं यासाठी त्याने पत्नीला अनेकदा समजावल्याचंही त्याने पोलिसांना सांगितल्याचं कळतं.
Beed News : बीडमधील कुटुंबासोबत रस्त्यात अनर्थ घडला; अडीच वर्षांच्या चिमुकलीसोबत भयंकर घडलं, आई-वडिलांचा टाहो
26 ऑक्टोबर रोजी दुपारी दोनच्या सुमारास रिंकी फोनवर बोलत होती. पत्नी संबंधित तरुणाशी बोलत असल्याचं पाहून किशोर संतापला. त्याने त्याच दिवशी पुन्हा एकदा फोनवर बोलण्यावरुन तिला टोकलं. यावरुन दोघांमध्ये वाद सुरू झाला. त्याचवेळी रागाच्या भरात किशोरने घरातील फावड्याने रिंकीच्या डोक्यावर वार केले. या हल्ल्यात ती गंभीर जखमी झाली.

पत्नीवर रागात वार केल्यानंतर रक्तबंबाळ झालेल्या पत्नीला, रक्तस्त्राव होत असलेल्या अवस्थेतील रिंकीला पती किशोरनेच लता मंगेशकर रुग्णालयात दाखल केलं. मात्र डॉक्टरांनी तिला तपासून मृत घोषित केलं. या दरम्यान पोलिसांना याची माहिती देण्यात आली. पोलिसांनी आरोपीविरोधात तक्रार दाखल करत त्याला अटक केली आहे.