नेमकं काय घडलं?

सचिनने राहत्या घराच्या वरील मजल्यावर असलेल्या रूममध्ये पंख्याला गळफास घेऊन आपले जीवन संपवण्याचा प्रयत्न केला. हा प्रकार लक्षात येताच कुटुंबीयांनी त्याला तातडीने खाली उतरवून उपचारासाठी प्रथम खासगी रुग्णालयात दाखल केले. मात्र, त्याची प्रकृती खालावल्याने त्याला अधिक उपचारासाठी धुळे येथे हलवण्यात आले. परंतु, मृत्यूशी सुरू असलेली त्याची झुंज अपयशी ठरली. २४ रोजी रात्री दीड वाजेच्या सुमारास उपचारादरम्यान सचिनचा दुर्दैवी मृत्यू झाला.
Divya Suresh : बाईकला धडक देऊन पळून गेली, हिट अँड रन केसमध्ये प्रसिद्ध अभिनेत्रीचं नाव, मध्यरात्री दीड वाजता अपघात

अभिनयाची होती आवड

सचिन हा एक हुशार सॉफ्टवेअर इंजिनिअर होता आणि तो पुणे येथील एका प्रतिष्ठित आयटी पार्कमध्ये नोकरीस होता. त्याला लहानपणापासूनच अभिनयाची प्रचंड आवड होती. त्याने आपली ही आवड जोपासत मुंबई आणि पुणे येथील सिनेसृष्टीतही अभिनयाचे काम केले होते.
Pune Crime : निवडणुकीसाठी दोघांची तयारी, त्याआधीच चैतालीने घात केला, मराठा सेवा संघाच्या नकुल भोईरच्या हत्येने सहकारी हादरले
सचिनची भूमिका असुरवन या सिनेमा लवकरच प्रदर्शित होणार होता. याबाबत पाचच दिवसांपूर्वी त्याने इन्स्टाग्रामवर पोस्ट शेअर केली होती. तर जमताराच्या दुसऱ्या सिझनमध्येही तो झळकणार होता. विषय क्लोज नावाच्या फिल्ममध्येही त्याचं दर्शन घडलं होतं. याशिवाय ढोल ताशा पथकातही तो सक्रिय होता. गणेशोत्सव, गुढीपाडवा यानिमित्ताने त्याने अनेक मराठी कलाकारांसोबत ढोल वादन केल्याचे फोटो सोशल मीडियावर शेअर केले होते.

एका तरुण आणि बहुआयामी व्यक्तिमत्त्वाच्या अशा अकस्मात जाण्याने सर्वत्र हळहळ व्यक्त होत आहे. या घटनेप्रकरणी पारोळा पोलिस ठाण्यात अकस्मात मृत्यूची नोंद करण्यात आली. आत्महत्येमागील कारण अद्याप समजू शकलेले नाही.