कडूकर यांच्या मार्गदर्शनाखाली डॉक्टर तरुणीच्या आत्महत्या प्रकरणाचा तपास सुरू आहे. कडूकर या मागील दोन दिवसांपासून फलटण येथे ठाण मांडून आहेत. नियमित तपासकामाच्या सूचना देऊन त्या आढावा घेत आहेत. असेही त्यांनी सांगितले.

कडूकर म्हणाल्या, ‘संबंधित डॉक्टर तरुणीला जर त्रास होत होता, तर त्यांनी वेळीच कुणाला तरी सांगायला हवे होते. नातेवाईक, मित्र यांना माहिती दिली असती, तर वेळीच या प्रकरणात दखल घेतली गेली असती आणि डॉक्टर तरुणीचे प्राण वाचले असते. ही घटना अतिशय दुर्दैवी आहे.’

वैद्यकीय अधिकारी आणि पोलिस प्रशासन यांच्यातील विसंवादामुळे ही घटना घडली का, असे विचारले असता त्या म्हणाल्या, ‘आरोपीला न्याय प्रक्रियेत घेऊन पीडितांना न्याय देणे हे वैद्यकीय अधिकारी आणि पोलिस प्रशासनाचे काम असते. ही घटना अपवादात्मक आहे.’
Kurnool Bus Fire : 20 वर्षांची मैत्री, दोघांचं नाव सेम, गावही सेम, पण नशिबं विरुद्ध, बसच्या आगीत एकाचं संपूर्ण कुटुंब होरपळलं, अन् दुसरा…
‘ज्या कारणास्तव महिला डॉक्टरने आत्महत्या केली ती त्यांची वैयक्तिक बाब वाटत आहे,’ असेही त्या म्हणाल्या. या प्रकरणी पोलिसांनी घटनास्थळ असलेल्या हॉटेलचे ‘सीसीटीव्ही’ चित्रीकरण ताब्यात घेतले असून, त्यामध्ये घटनेच्या रात्री संबंधित डॉक्टर तरुणी एकटीच हॉटेलमध्ये गेल्याचे आढळून आले आहे.

बदने म्हणतो, मला अडकवलं जातंय

आत्महत्या प्रकरणातील संशयित पीएसआय गोपाळ बदने शनिवारी रात्री पोलिस ठाण्यात स्वत: हजर झाला. त्याला तपासणीसाठी घेऊन जात असताना ‘आपणास अडकवले जात आहे,’ अशी प्रतिक्रिया त्याने दिली. पीएसआय गोपाळ बदने व घर मालक प्रशांत बनकर यांची थेट नावे पीडितेने हातावर लिहित त्यांच्यावर गंभीर आरोप केलेले आहेत. दरम्यान, शनिवारी दुपारी प्रशांत बनकर याला पोलिसांनी कोर्टात हजर केले असता त्याला २८ ऑक्टोबरपर्यंत पोलिस कोठडी सुनावण्यात आली.
Solapur Crime : विवाहित महिलेला फसवून लॉजवर नेलं, शारीरिक अत्याचार करुन पसार, सोलापुरात खळबळ
पीडितेने पीएसआय गोपाळ बदने याने चार वेळा बलात्कार केल्याचा आरोप केला आहे. तरुणीच्या आत्महत्येनंतर पीएसआय बदने फरार होता. शनिवारी रात्री उशिरा बदने स्वतः पोलिसांसमोर हजर झाला. त्याची तासभर कसून चौकशी केल्यानंतर त्याला मेडिकलसाठी नेण्यात आले.