सारिकाताई मालुसरे यांच्या नावाची चर्चा होण्यामागे त्यांची गेल्या दोन वर्षांतील सक्रियता कारणीभूत आहे. ‘घराघरात पोहोचलेल्या उमेदवार’ अशी त्यांची ओळख निर्माण झाली आहे. तरुण कार्यकर्त्यांची एक मोठी फळी त्यांच्या पाठीशी उभी असून, ‘यावेळी सारिकाताईंनाच संधी मिळावी’ अशी जोरदार मागणी केली जात आहे. त्यांच्यासाठी सर्वात जमेची बाजू म्हणजे, कामथडी गणातील महत्त्वपूर्ण समजल्या जाणाऱ्या मोठ्या गावातील कार्यकर्त्यांचे त्यांना मिळणारे भक्कम समर्थन. या भागातील कार्यकर्त्यांनी त्यांच्या नावाला पसंती दिल्याने दावेदारी अधिक मजबूत मानली जात आहे.
पुण्यात बहिणीला व्हिडिओ कॉल करत भावाने मृत्यूला कवटाळले; मी आता जातो, पण…; बायकोबद्दल काय म्हणाला ?
एकीकडे सारिकाताई मालुसरे यांनी प्रचारात आघाडी घेतली असताना, दुसरीकडे राजकीय वर्तुळातही हालचालींना वेग आला आहे. सध्या गावागावांतील चावडीवर एकाच विषयाची चर्चा रंगली आहे, ती म्हणजे उमेदवारांच्या मुलाखती. “शेजारच्या मुळशी तालुक्यातील इच्छुक उमेदवारांच्या मुलाखती पार पडल्या, मग भोरच्या मुलाखती कधी होणार?” हा प्रश्न कार्यकर्ते आणि मतदार विचारत आहेत.
जैन बोर्डिंग प्रकरणी रवींद्र धंगेकरांचं थेट पंतप्रधान मोदींना पत्र; 27 ऑक्टोबरपासून धरणे आंदोलन करणार, पत्रामध्ये आणखी काय?
कामथडी गणातील लढत चुरशीची होण्याची शक्यता आहे. इतर प्रमुख पक्षांनीही मोर्चेबांधणी सुरू केली आहे. शिवसेना (शिंदे गट) कडून प्रफुल्ल धुमाळ यांचे नाव चर्चेत आहे, तर शिवसेना (उद्धव बाळासाहेब ठाकरे) गटाकडून आदित्य बोरगे यांचे नाव उमेदवारीसाठी आघाडीवर आहे. मात्र, या सगळ्यात भारतीय जनता पक्षाने अद्याप सावध पवित्रा घेतला आहे. भाजपचा उमेदवार अद्याप गुलदस्त्यात असल्याने, त्यांच्या घोषणेनंतरच कामथडी गणातील लढतीचे खरे चित्र स्पष्ट होणार आहे.