या कुटुंबाला न्याय मिळाला पाहिजे, असं सुरेश धस म्हणाले. तसेच, मी स्वतः मुख्यमंत्र्याची भेट घेणार असल्याचे देखील भाजपा आमदार सुरेश धस यांनी सांगितले आहे.

त्याशिवाय, डॉक्टर मृत्यू प्रकरणात महिला आयपीएस अधिकाऱ्याची नेमणूक करून एसआयटी स्थापन करण्यात यावी, अशी मागणी आमदार सुरेश धस यांनी केली आहे. स्वतः डॉक्टर मृत्यू प्रकरणाच्या अनुषंगाने मुख्यमंत्री देवेंद्र फडणवीस यांची भेट घेऊन विशेष मागणी करणार असल्याचंही त्यांनी सांगितलं.
Satara Crime: भावाने शिक्षण सोडलं, शेतकरी बापाने कर्ज घेत लेकीला डॉक्टर केलं; साताऱ्यातील महिला डॉक्टरच्या मृत्यूने कुटुंब उद्ध्वस्त
या महिला डॉक्टरने अनेकवेळा तक्रार अर्ज केला असूनही वरिष्ठ पातळीवर याची कोणी दखल घेतली नाही, त्यामुळे त्या प्रत्येकावर कारवाई करण्यात यावी, असंही धस म्हणाले. तिच्यावर वैद्यकीय सर्टिफिकेट बदल्याचा दबाव आणला जात होता. याप्रकरणी पीआय, डीवायएसपीला या डॉक्टर तरुणीने सांगितलं होतं. मात्र, त्यावर कुठलीही कारवाई करण्यात आली नाही.

इतकंच नाही तर, सुरेश धस यांनी आणखी एक मुद्दा प्रकाशात आणला. या डॉक्टर तरुणीने आपल्या आयुष्याची अखेर केली, तिने गळफास घेतला होता, जेव्हा पोलीस तिथे पोहोचले, तेव्हा त्या वेळेचे फोटो किंवा व्हिडिओ पोलिसांनी काढले होते. ते फोटो-व्हिडिओ पोलिसांनी कुटुंबाला दाखवले नाहीत, दिले नाहीत. तिला शवविच्छेदनासाठी नेल्यानंतर कुटुंबाला दाखवण्यत आलं. हे सर्व संशयास्पद आहे. ही तरुणी थेट यंत्रणेशी लढत होती, ती निर्भीड होती, ती हे टोकाचं पाऊल कसं उचलू शकते, हा देखील प्रश्न त्यांनी उपस्थित केला. तसेच, याबाबत चौकशी करण्याची मागणी केली आहे.