स्थानिकांनी सांगितले की महिलेची तब्येत गंभीर होती. अनेकांनी डॉक्टरांचे लक्ष वेधण्याचा प्रयत्न केला, तरीही डॉक्टरांनी कोणतीही मदत केली नाही. रस्त्याच्या कडेला पडलेल्या महिलेजवळून जाताना काही डॉक्टरांनी थांबून चौकशी देखील केली नाही, असा गंभीर आरोप नागरिकांनी केला आहे.

पायात चप्पल तशीच, चेहऱ्यावर चावा घेतल्याच्या जखमा; उल्हास नदीत तरुणाची बॉडी, गूढ सुटेना

दोषी डॉक्टरांविरुद्ध कारवाई

घटनेची माहिती मिळताच इन्कलाब फाउंडेशनने तात्काळ पुढाकार घेतला. फाउंडेशनच्या प्रतिनिधी भारती पवार आणि संदीप राजपाल यांनी नंदुरबार जिल्हाधिकारी मॅडम यांची भेट घेऊन घटनेची सविस्तर माहिती दिली. त्यांनी या घटनेबाबत दोषी डॉक्टरांविरुद्ध कठोर कारवाई करण्याची मागणी केली आणि अशा प्रकारची घटना पुन्हा घडू नये, असेही सांगितले.

गरीबांचा जीव एवढा स्वस्त आहे का?

जिल्हाधिकाऱ्यांनी घटनेची गंभीर दखल घेत चौकशीचे आदेश देण्याचे आश्वासन दिले असून दोषींवर योग्य ती कारवाई करण्यात येईल, असेही स्पष्ट केले आहे. घटनेमुळे संपूर्ण शहादा तालुक्यात संतापाची लाट उसळली आहे. नागरिकांनी आरोग्य विभागाच्या निष्काळजी कामकाजावर तीव्र नाराजी व्यक्त केली आहे. “गरीबांचा जीव एवढा स्वस्त आहे का?” असा संतप्त सवाल इन्कलाब फाउंडेशनचे कार्यकर्ते आणि नागरिकांनी उपस्थित केला आहे.

भारती पवार, इन्कलाब फाउंडेशन, “महिलेच्या मृत्यूला जबाबदार डॉक्टरांवर कठोर कारवाई व्हावी. हे प्रकरण केवळ दुर्लक्षाचं नाही, तर मानवी संवेदना हरवल्याचं उदाहरण आहे. आपण अशा घटनांमुळे समाजातहीती आणि असहिष्णुता वाढते हे मान्य करू नये,” असे मत व्यक्त केले आहे.

साताऱ्यात डॉक्टर तरुणीने जिथं जीव दिला, त्या हॉटेलसमोरच आज मुख्यमंत्र्यांचा कृतज्ञता समारंभ, नव्या वादाला तोंड फुटणार?
संदीप राजपाल, इन्कलाब फाउंडेशन, “रुग्णालयात येणाऱ्या प्रत्येक नागरिकाला समान आणि योग्य उपचार मिळणे हक्क आहे. आम्ही हा मुद्दा शेवटपर्यंत लढवणार आहोत. रुग्णालयाचे कर्मचारी, डॉक्टर किंवा प्रशासन यांना याचा गंभीर धडा शिकवला जाईल,” असे सांगितले.