तर दुसरीकडे मंत्री मोहोळांनी धंगेकरांचे सर्व आरोप फेटाळत होते. पुराव्यांशिवाय सिद्ध करतो की यात माझा काहीही सहभाग नाही असं त्यांनी म्हटलं होतं, दरम्यान, दरम्यान, आज यामध्ये जैन मुनी श्री गुप्ती नंदीडी महाराज यांची एन्ट्री झाली. त्यांनी नोव्हेंबरच्या आतमध्ये जैन बोर्डिंगचा हा व्यवहार रद्द करा अशी मागणी केली आहे. असे नाही झाले तर देशभर मोठे आंदोलन करु असा इशाराच दिला आहे. हे सगळं घडल्यानंतर आथा खासदार मुरलीधर मोहोळ थेट जैन बोर्डिंगमध्ये दाखल झाले आणि त्यांनी जैन मुनींशी संवाद साधलाय.
Devendra Fadnavis : ‘आम्ही कुणालाही सोडणार नाही, कठोर कारवाई करणार’, महिला डॉक्टर मृत्यू प्रकरणी CM देवेंद्र फडणवीस काय म्हणाले?

मोहोळ नेमकं काय म्हणाले?

“ऋषी, महात्म्यांचा आदर केला पाहिजे. मी आज मुनींचे दर्शन घेण्यासाठी आलो. ते सांगतील ते ऐकायला आलो.माझी बाजू मांडण्यासाठी नाही आलो. गेल्या काही दिवसांमध्ये जैन बोर्डिंग प्रकरणी अनेक गोष्टी घडल्या. माझा या प्रकरणाशी संबंध नाही हे पुराव्यानिशी मांडलं आहे. जैन बांधव, जैन मुनींचा विषय सोयीच्या राजकारणासाठी वापरला गेला.व्यक्तीराजकारण आणि अनेक गोष्टी घडत गेल्या. आज मी आपल्याला आश्वासित करतो आणि एवढचं सांगतो, शहराचा लोकप्रतिनिधी म्हणून जे काही जैन बांधवांसोबत न्याय होणं अपेक्षित आहे, त्यामध्ये न्याय होण्यासाठी माझी महत्वाची भूमिका राहिलं आणि लवकरात लवकर हा विषय समाजाला हवा तसाच सुटला जाईल, कोणत्याही प्रकारे आपल्याला हक्कांसाठी न्यायासाठी भांडावं लागणार नाही,आपल्याला कुठलाही त्रास होणार नाही, हे याठिकाणी खात्रीलायक आपल्याला सांगतो,” असं मोहोळ म्हणाले आहेत.

पुढे बोलताना, “शेवटी ही भूमिका कोणीतरी घ्यावी लागते, मग उशीर यासाठी झाला की त्यामध्ये माझचं नाव घेतलं गेलं.पण मी सगळ्यांशी सातत्याने संपर्कात होतो. त्यामुळे हा विषय अधिक न वाढता, आपण जे सांगालं त्यापद्धतीनेच हा विषय संपेल.आपण जो अन्नत्याग करण्याचा निर्णय घेतला आहे, ती वेळ येणारच नाही, तुमच्या वेळेच्या आतमध्ये हा सगळा विषय थांबेल, आपल्याला हवा तसा थांबेल.असं मी याठिकाणी आश्वस्त करतो. तुम्ही मला जी प्रेमाची, आपुलकीची साद घातली आहे त्यामुळे आपण आशीर्वाद द्या, सूचना द्या. माझं कर्तव्य जनतेप्रती आहे. समज-गैरसमज बाजूला ठेऊन यात सहभागी व्हा.”, असं आवाहन मोहोळांनी उपस्थितांना केलं आहे.

दरम्यान, यावेळी बोर्डिंगमधून बाहेर पडताना मोहोळांना जैन बांधवांनी घेराव घातल्याचेही पाहायला मिळाले. त्यांनी जैन बोर्डिंगचा संपूर्ण व्यवहार रद्द व्हावा अशी मागणी करणाऱ्या घोषणा दिल्या आहेत.