संजय शिरसाट अल्पसंतुष्ट माणूस आहे. मला हे पण पाहिजे, ते पण पाहिजे, अशा प्रकारची भूक मला कधीच नव्हती, पुढेही नसेल, असं मंत्री संजय शिरसाट एका वृत्तवाहिनीशी संवाद साधताना म्हणाले. मी १० वर्षे नगरसेवक राहिलो. त्यानंतर २० वर्षे आमदार आहे. ज्या गोष्टी कधी स्वप्नातही पाहिल्या नव्हत्या, ते सुख मी प्रत्यक्षात उपभोगलं. शेवटी माणसाचं वय त्याला थांबण्यास भाग पाडतं. आपण तिथपर्यंत विचार करायचा नाही. आपण कधीतरी थांबायचं का, असा प्रश्न माझ्या मनात आला. दररोज धावपळ आणि दगदग करण्यापेक्षा कधीतरी थांबायचं का? थांबलं पाहिजे हे ठरवण्याचा प्रयत्न मी करत आहे, अशा शब्दांत शिरसाट यांनी राजकीय निवृत्तीचे संकेत दिले.
शिंदेंकडे सूत्रं, पण दादा नाहीत मित्र; भाजपनं NCPला दूर लोटलं, मुहूर्तही ठरला, ‘बुरे दिन’ सुरु
कोणत्या राजकीय दबावापोटी, कोणी बोलत आहे किंवा वैतागून बोलत आहे, अशातला भाग नाही, ही बाब संजय शिरसाट यांनी स्पष्ट केली. मी आता ६४ वर्षांचा आहे. लवकरच ६५ व्या वर्षात पदार्पण करेन. स्वप्न पाहायला आपण काहीही पाहू शकतो. माझ्याकडे २०२९ पर्यंतचा कालावधी आहे. तोपर्यंत माझ्याकडे आमदारकी आहे. त्यावेळी काय करायला हवं याचा विचार करायलाच हवा ना, असं शिरसाट म्हणाले.

राजकारणातून जनसेवेची संधी मिळते. आताच्या घडीला माझ्याकडे असलेलं खातं मोठं आहे. मी चांगलं काम करत आहे. त्यामुळे आणखी काहीतरी पाहिजे किंवा माझ्या काही अपेक्षा आहेत, असाही भाग नाही. माझ्याकडे जे आहे, त्यात मी समाधानी आहे, अशा भावना शिरसाट यांनी व्यक्त केल्या.
Ravindra Dhangekar : ‘माझं मन मला सांगतंय, CM हे…’; देवेंद्र फडणवीस आणि मुरलीधर मोहोळ यांच्या भेटीवर धंगेकरांचं मोठं विधान
संजय शिरसाट उपमुख्यमंत्री आणि शिवसेनेचे प्रमुख नेते एकनाथ शिंदे यांच्या जवळचे मानले जातात. २०२२ मध्ये एकनाथ शिंदे यांनी शिवसेनेच्या इतिहासातील सर्वात मोठं बंड केलं. त्या बंडात सुरुवातीपासून त्यांच्यासोबत जे आमदार होते, त्यात शिरसाट यांचा नंबर लागतो. गुवाहाटीत असल्यापासूनच त्यांनी शिंदेंची बाजू ताकदीनं मांडली. जुन्या पक्षप्रमुखांवर ते जोरदार बरसले. उद्धव ठाकरेंवर थेट टीका करणाऱ्या मोजक्या नेत्यांमध्ये त्यांचा समावेश होता.