भाऊबीजेच्या निमित्ताने सुषमा अंधारे गावी गेल्या आहेत, मात्र तरीही उद्धव ठाकरेंनी मायेचा धागा तुटू दिला नाही. सकाळीच उद्धव ठाकरे यांनी फोन करुन शुभेच्छा दिल्याचं सुषमा अंधारे यांनी फेसबुक पोस्ट लिहून शेअर केलं आहे. उद्धव ठाकरेंसोबत झालेल्या फोन लॉगचा स्क्रीनशॉटही अंधारेंनी पोस्ट केला आहे.

सुषमा अंधारेंची फेसबुक पोस्ट काय?

“आज भाऊबीज .. अर्थात मी गावी परळीत आहे. खटल्याचं घर आहे. त्यामुळे सगळे भाऊ बहीण आम्ही एकत्र असतो. त्यात सख्खे, सावत्र, चुलत मावस मानलेले हा काही प्रकार नाही.. कुटुंब आहे. सगळे कुटुंबाचा भाग आहेत. पण गावी असल्याने मुंबईत पोचता आलं नाही… पण आपण पोचू शकलो नाही तरी तंत्रज्ञान आहे की मदतीला.” असं सुषमा अंधारे लिहितात.
Ladki Bahin : भाऊबीजेच्या तोंडावर लाडक्या बहिणींना खुशखबर, महायुती सरकारचा मोठा निर्णय, 1500 चा हप्ता तर मिळणारच आणि…
“सकाळी पक्षप्रमुख उद्धव साहेबांचा फोन आला. वाटलं काही महत्वाची पक्षाची भूमिका मांडण्यासंदर्भात असेल. हॅलो म्हणण्या आधीच, ताई भाऊबीजेच्या शुभेच्छा. एवढी खंबीर बहीण मिळायला भाग्य लागतं.. तुमच्यासारखी लढाऊ बहीण सगळ्यांना लाभो… यावर आपण काय बोलावं… मी नुसतेच आभार मानले.. ” असं सुषमा अंधारेंनी लिहिलं आहे.
Amit Bhangare : ‘आम्ही बाप बदलत नाही, माझा राजकीय बाप शरद पवारच’ म्हणणारा बडा नेता विखेंच्या भेटीला, तुतारी सोडून कमळ धरणार?
“काय गिफ्ट द्यायचं तुम्हाला.. ” सरांचं वाक्य मध्येच तोडत म्हटलं, भरभरून आशीर्वाद द्या सर फक्त… पण मनात वाक्य पुटपुटत होते, भाग्य तर आमचं महाराष्ट्राच्या कुटुंबप्रमुखांनी एका साधारण गावखेड्यातील मध्यमवर्गीय बहिणीला इतक्या आवर्जून फोन करून शुभेच्छा द्यावा… इडा पिडा जाऊदे… भावाचं राज्य येऊ दे… भाऊ माझा सुखी राहू दे… त्याचा वंशवेलु गगनाला भिडू दे” अशा प्रार्थना केल्याचं सुषमा अंधारेंनी लिहिलं आहे.