मिळालेल्या माहितीनुसार, रात्री 9 च्या सुमारास फिर्यादी रामेश्वर उबाळे (राहणार परतूर) हा मोंढा भागातही फटाका मार्केटमध्ये फटाके घेण्याकरता ओंकार लिंबाजी माने यांच्या दुकानात फटाके खरेदीसाठी गेले होता. त्याचवेळी याठिकाणी प्रशांत कदम हा सुमारे सात-आठ साथीदारांसह, हातात तलवार, चाकू व लोखंडी रॉड घेऊन दुकानात आला. प्रशांत कदम यांनी दुकानदार ओंकार माने यांना “तु आम्हाला फटाके उधार का देत नाहीस?” असे म्हणत शिवीगाळ करून तलवारीने हल्ला केला. ओंकार माने यांनी तो वार चुकवला, मात्र तलवार दुकानाच्या पेंडॉलच्या लोखंडी पाईपला लागली.
Jalna News: रात्र झाली म्हणून मुक्कामी थांबला, जालन्यातील लॉजमध्ये व्यापाऱ्याची बॉडी सापडली, नेमकं काय घडलं?
यानंतर ओंकार माने याचा भाऊ सारंग माने यांनी भांडण थांबवण्यासाठी पुढे गेल्यावर प्रशांत कदम यांनी त्याच्या डोक्यावर तलवारीने वार करून त्याला गंभीर जखमी केले. दरम्यान, फिर्यादी भांडणे सोडविण्यासाठी गेल्यावर विशाल शिंदे यांनी त्याच्या डोक्यावर तलवारीने वार केला यावेळी आदेश पवार यांनी डाव्या हातावर लोखंडी रॉडने प्रहार करून हात फ्रॅक्चर केला. विकास मोरे यांनीही उजव्या हातावर रॉडने वार केला.
त्यानंतर प्रशांत कदम, आदेश पवार, विकास मोरे, आकाश सुपेकर, संस्कार भालेराव व आणखी 3-4 इसमांनी मला व सारंग माने याला जमिनीवर पाडून लाथाबुक्यांनी मारहाण केली. आदेश पवार यांनी सारंग माने यांच्या हातावर चाकूने वार केला. या दरम्यान आरोपींनी “आम्ही परतूरचे डॉन आहोत; आमच्याकडून पैसे मागाल तर जिवंत ठेवणार नाही” अशी धमकी दिली.

या हल्ल्यात सारंग माने व फिर्यादी दोघेही गंभीर जखमी झाले असून परतूर येथे प्राथमिक उपचार करून त्यांना रात्री उशिरा जालना येथील खाजगी हॉस्पिटलमध्ये दाखल करण्यात आले आहे. या घटनेनंतर परतूर शहरात काही काळ तणावाचे वातावरण निर्माण झाले होते. घटनेची माहिती मिळताच पोलीस निरीक्षक सुदाम भागवत यांच्या मार्गदर्शनाखाली पोलिसांनी घटनास्थळी धाव घेतली व परिस्थिती नियंत्रणात आणली.
भाऊबीजला माहेरी जाते, हट्टी पत्नीला पतीचा नकार, तिने चिमुकल्याला घेतलं अन्… पाहून गाव सुन्न
या प्रकरणी परतूर पोलिस ठाण्यात प्रशांत कदम, विशाल शिंदे, आदेश पवार, विकास मोरे, आकाश सुपेकर, संस्कार भालेराव व इतर अज्ञात तीन ते चार इसमांविरुद्ध हल्ला, जीवघेणा प्रयत्न, धमकी देणे व शस्त्रास्त्र कायद्याखाली गुन्हा दाखल करण्यात आला आहे. पुढील तपास परतूर पोलीस ठाण्याचे पोलीस निरीक्षक सुदाम भागवत करत आहे .

सदर हाणामारीचा फोटो व्हिडीओ सोशल मीडिया वर व्हायरल

झाला आहे,या भांडणाची चित्रीकरण दिवसभर सोशल मीडिया वर फिरत होती, त्यामुळे व्यापारी यांच्यात दहशी चे वातावरण निर्माण झाले आहे. मार्केट मध्ये सन्नटा पसरला भीतीच्या वातावरणाने नागरिक बाहेर निघत नसल्याचे चित्र पाहायला मिळत आहे.