या आगीत आई आणि मुलीचा जागीच दुर्दैवी मृत्यू झाला. ऐन दिवाळीच्या सणात घडलेल्या या दुर्घटनेने कामोठे परिसरात हळहळ व्यक्त केली जात आहे. घटनास्थळावरील तात्काळ प्रतिसादामुळे मोठा अनर्थ टळला. कामोठे पोलिसांनी तसेच स्थानिक नागरिकांनी इमारतीतील इतर रहिवाशांना तत्काळ बाहेर काढले, तर अग्निशमन दलाने वेळेत धाव घेऊन आग आटोक्यात आणली.

Navi Mumbai News: वाशीत 12 मजली इमारतीला भीषण आग, सहा वर्षांच्या चिमुकलीसह चारजण होरपळले, 10 जण जखमी

झोपेत असताना खोली पेटली अन्

आंबे श्रद्धा सोसायटी ही बारा मजल्यांची उंच इमारत असून, चार विंगमध्ये एकूण 129 फ्लॅट्स आहेत. सोसायटीला गॅस पाईपलाईनची सुविधा असली तरी अपघातग्रस्त फ्लॅटमध्ये पाईपलाईनची जोडणी नव्हती. त्यामुळे त्या घरात दोन स्वतंत्र गॅस सिलेंडर वापरले जात होते. मंगळवारी पहाटे अचानक गॅस गळती झाल्याची शक्यता व्यक्त केली जात आहे. झोपेत असलेल्या आई-मुलीला धूर आणि आगीचा अंदाज येण्यापूर्वीच घरभर आग पसरली. काही क्षणांतच गॅस सिलेंडरचा जोरदार स्फोट झाला आणि संपूर्ण खोली पेटली. आग इतकी भयानक होती की बचावकार्य सुरू असतानाही त्या दोघींना वाचवता आले नाही.

घटनेची माहिती मिळताच कामोठे पोलिसांनी तातडीने घटनास्थळी धाव घेतली. वरिष्ठ पोलीस निरीक्षक विमल बिडवे यांनी स्वतः बचावकार्याचे नेतृत्व करत इमारतीतील रहिवाशांना सुरक्षित बाहेर काढले. त्याच वेळी अग्निशमन दलाच्या जवानांनी आग विझविण्यासाठी प्रयत्न सुरू केले आणि अखेर काही तासांच्या शर्थीने आग नियंत्रणात आणली. या दुर्घटनेनंतर परिसरात भीतीचे आणि शोकाचे वातावरण पसरले आहे. घटनेची माहिती मिळताच पनवेलचे आमदार प्रशांत ठाकूर आणि पनवेल महानगरपालिकेचे आयुक्त मंगेश चितळे यांनी घटनास्थळी भेट देऊन परिस्थितीचा आढावा घेतला. पोलिसांनी या घटनेचा तपास सुरू केला असून गॅस गळतीचे नेमके कारण शोधण्याचे प्रयत्न सुरू आहेत.