सोमवारी मुंबईत वांद्र्यात 218 एक्यूआय होता. तर कुलाबामध्ये 206 एक्यूआय होता. ही सर्वाधिक खराब हवेची गुणवत्ता पातळी आहे. तर रविवारी मुंबईमध्ये कुलाबा, वांद्रे-कुर्ला संकुल, देवनार, खेरवाडी वांद्रे पूर्व या चार केंद्रांवर हवेची गुणवत्ता वाईट असल्याची नोंद झाली. कुलाबा येथे महाराष्ट्र प्रदूषण नियंत्रण मंडळाच्या केंद्रावरील नोंदीनुसार 213 तर, वांद्रे-कुर्ला संकुल येथे आयआयटीएमच्या नोंदीनुसार 299 आणि देवनार येथेही आयआयटीएमच्या नोंदीनुसार २०७ निर्देशांक नोंदवला.
मिठी नदीवर उभारणार नवा पूल; सायन, कुर्ला, बीकेसी मार्गावर प्रवाशांना मोठा फायदा, कुठे असणार ब्रीज? वाहतूक कोंडी दूर होणार
मुंबईच्या हवेची गुणवत्ता खालावण्यासाठी ओझोनची पातळी सर्वाधिक जबाबदार असल्याची नोंद केंद्रीय प्रदूषण नियंत्रण मंडळाच्या समीर ॲपकडून झाली. शनिवारी हा निर्देशांक 122 होता तर, त्याआधी शुक्रवारी हा निर्देशांक 88 म्हणजे समाधानकारक श्रेणीत होता. 11 आणि 12 ऑक्टोबर रोजी हा AQI सलग दोन दिवस 150 च्या पुढे 152 आणि 153 असा नोंदला.
समृद्धी महामार्ग थेट ठाण्यात जोडला जाणार; भिवंडीतून कसा असेल मार्ग? विनाअडथळा मुंबईत प्रवेश करता येणार

200 हून अधिक AQI धोकादायक

200 पेक्षा जास्त एक्यूआय असल्यास प्रदूषणाची पातळी जास्त असल्याचं आणि आरोग्यासाठी हानिकारक असल्याचं ठरतं. 100 पेक्षा जास्त AQI असल्यास दमा, फुफ्फुस आणि हृदयरोग असलेल्या लोकांसाठी समस्या वाढू शकतात.

महाराष्ट्र प्रदूषण नियंत्रण मंडळाच्या वांद्रे कुर्ला संकुल येथील नोंदीनुसार येथील प्रदूषण मध्यम श्रेणीत होते. या केंद्रावर 147 निर्देशांक नोंदला गेला. तर, महाराष्ट्र प्रदूषण नियंत्रण मंडळाच्या नोंदीनुसार वांद्रे येथील खेरवाडी येथे 212 निर्देशांक नोंदवला. कुर्ला, विलेपार्ले, बोरिवली पूर्व, शीव, माझगाव, मालाड पश्चिम, भांडुप पश्चिम, कांदिवली पूर्व, मुलुंड पश्चिम, चेंबूर, भायखळा, शिवाजीनगर, घाटकोपर येथे हवेची गुणवत्ता मध्यम श्रेणीत होती.