दिवाळीनंतर राज्यात स्थानिक स्वराज्य संस्थाच्या निवडणुकांचा बिगूल वाजणार आहे. पहिल्या टप्प्यात जिल्हापरिषद, नगरपंचायती,पंचायत समित्यांच्या निवडणुका होणार आहेत. त्यापाठोपाठ जानेवारीत महापालिकांच्या निवडणुका होतील. या निवडणुकांमध्ये महायुती एकत्रीत लढणार की,स्वतंत्र लढणार याबाबत चर्चा सुरू असल्या तरी,नाशिकमध्ये मात्र भाजपने स्वबळाची तयारी सुरू केली आहे. महापालिकेत भाजपने शंभर प्लसचा नारा दिला आहे. तर, जिल्हापरिषदही स्वबळावर लढण्याची तयारी सुरू केली आहे.
​​वन्य प्राण्यांच्या हल्ल्यात शेतकऱ्याचा जीव गेल्याची अफवा; तपासात वेगळंच कारण समोर, ‘त्या’ रात्री काय घडलं?
राष्ट्रवादी अजित पवार गटाचेही ग्रामीणमध्ये वर्चस्व आहे. राष्ट्रवादीचे सात आमदार असून, तीन मंत्री आहेत. त्यामुळे सध्या भाजप आणि राष्ट्रवादी ताकदवान दिसत असले तरी, शिंदेसेनेचेही दोन आमदार आणि एक मंत्री आहे. त्यामुळे नाशिक, मालेगाव महापालिकेसह जिल्हापरिषदेत शिंदेसेनेलाही बळ वाढवायचे आहे. त्यासाठी शालेय शिक्षण मंत्री दादा भुसेंपाठोपाठ आता एकनाथ शिंदे यांनी आमदार कांदेंना बळ दिले आहे. शिवसेनेत प्रथमच प्रभारी जिल्हा संघटन प्रमुख हे पद निर्माण करीत, त्यावर कांदेंची नियुक्ती केली आहे. त्यांच्या अधिपत्याखाली स्थानिक निवडणुका लढविल्या जाणार आहेत. त्यामुळे आगामी स्थानिक निवडणुका महायुती म्हणून लढण्याची शक्यता जवळपास मावळल्याचे चित्र आहे.
ठाकरेंचा महायुतीला दणका! नाशिकमधील महिला नेत्याचा आज मातोश्रीवर पक्षप्रवेश; भाजप सोडताना म्हणाल्या…
संघर्ष वाढण्याची चिन्हे
राष्ट्रवादी अजित पवार गटाचे जिल्हा परिषदेवर वर्चस्व आहे. ते कायम ठेवण्यासाठी राष्ट्रवादीकडून अन्न व नागरी पुरवठा मंत्री छगन भुजबळ, क्रीडा मंत्री ॲड. माणिकराव कोकाटेंवर जबाबदारी असेल. विधानसभा निवडणुकीत भुजबळ कुटुंबाने महायुती असतानाही कांदेंच्या विरोधात भूमिका घेतली होती. त्यामुळे आगामी जिल्हा परिषदेतही दोघांत संघर्ष कायम राहण्याची शक्यता आहे.
Nashik News : गर्दीने भरलेल्या ट्रेनमधून पडले नाहीत; तिघांनी रेल्वेसमोर उडी मारली, लोकोपायलटचा धक्कादायक उलगडा
नाशिक जिल्हा हा शिवसेनेचा गड आहे. बाळासाहेबांच्या विचारांचा आणि एकनाथ शिंदेंच्या नेतृत्वाचा आधार घेत, तळागाळातील प्रत्येक शिवसैनिकाशी थेट संपर्क ठेवत आपण स्थानिक स्वराज्य संस्थांच्या निवडणुकांमध्ये भगवा झेंडा फडकवू. –सुहास कांदे, आमदार, शिवसेना शिंदे गट