शिवणकर पाटबंधारे मंत्री असताना जिल्ह्यात सिंचनाच्या सुविधा उपलब्ध करुन देण्यात मोलाचे योगदान दिलं. त्यांच्या योगदानामुळे कलपाथरी, बेवारटोला, ओवारा, पुजारीटोला, कालीसरार सारखे सिंचनाचे प्रकल्प उभे राहू शकलेत. गोंदिया जिल्ह्याची निर्मिती त्यांच्या कार्यकाळात झाली असून त्यांना जिल्ह्याचे शिल्पकार म्हणून संबोधलं जायचं.

Pune News: ‘शनिवार वाडा मेधा कुलकर्णींच्या पप्पांचा नाही’; शनिवारवाड्यातून रुपाली पाटलांचा मेधा कुलकर्णींवर जोरदार हल्लाबोल

महादेवराव शिवणकर यांची एकूण वाटचाल

महादेवराव सुकाजी शिवणकर यांचा जन्म 7 एप्रिल 1940 साली गोंदिया जिल्ह्यातील आमगाव येथे झाला. त्यांचं शिक्षण एम.ए (अर्थशास्त्र) आणि एम.ए (इतिहास) यात झालं. त्यांचा मूळ व्यवसाय हा शेतीच होता. ते अर्थशास्त्र आणि इतिहासाचे मोठे व्याख्याते होते. त्यांचं शिक्षण भवभूती महाविद्यालय आमगाव येथे झालं. विशेष बाब म्हणजे, 26 जुलै 1975 साली ते आणीबाणीच्या काळात तुरुंगात गेले होते.

महादेवराव शिवणकर यांची राजकीय वाटचाल

1978 ते 2008 पर्यंत ते सतत निवडणुकीत अजिंक्य राहिले. 1978 ते 1989 पर्यंत ते आमगाव विधानसभेमधून तीनवेळा निवडून आले. त्यानंतर 1994 ते 2004 पर्यंत ते दोनवेळा आमदार झाले. 1999 ते 2004 पर्यंत ते कॅबिनेट मंत्री पाटबंधारे, वित्त व नियोजन मंत्री होते. 1989 ते 1994 व 2004 ते 2008, 2004 मध्ये चिमूर लोकसभा मतदारसंघातून निवडून गेल्याबरोबर राष्ट्रसंत तुकडोजी महाराजांना भारतरत्न देण्याची मागणी संसदेत त्यांनी केली होती.

बैलांना चारण्यासाठी शेतात सोडलं, परत नेण्यासाठी गेले पण पुन्हा आले नाही; अख्खं गाव शेतात गेलं अन् समोरचं दृश्य बघून हादरलं

महादेवराव शिवणकर यांनी लिहिलेले पुस्तकं

1) गजाआड (मराठी आणीबाणी काळातील डायरी)

2) भारताची आर्थिक स्थिती (मराठी)

3) विदर्भ झालाच पाहिजे (मराठी)

4) केनिया सफारी (मराठी) , शेतकऱ्यांच्या समस्यावर त्यांनी 100च्या जवळपास लेख लिहिले होते.