कायद्याचा बडगा उगारला

पोलिसांनी दिलेल्या माहितीनुसार दि. 18 ऑक्टोबर रोजी त्याच्या इन्स्टाग्राम आयडीवर वंजारवाडी येथे जीवे मारण्याच्या प्रकरणाच्या अनुषंगाने हा व्हिडिओ पोस्ट केला होता. समाजात दहशत आणि भीती निर्माण करण्याचा प्रयत्न केल्याप्रकरणी पोलीस निरीक्षक चंद्रशेखर यादव यांच्या मार्गदर्शनाखाली पोलीस उपनिरीक्षक युवराज पाटील आणि पोलीस जवान पो. कॉ. राजू बन्ने यांनी खातरजमा करून बन्ने यांच्या तक्रारीवरून बारामती तालुका पोलीस ठाण्यात तक्रार दाखल करण्यात आली.

बैलांना चारण्यासाठी शेतात सोडलं, परत नेण्यासाठी गेले पण पुन्हा आले नाही; अख्खं गाव शेतात गेलं अन् समोरचं दृश्य बघून हादरलं

पोलीस निरीक्षक चंद्रशेखर यादव यांनी ही बाब गांभीर्याने घेत कायद्याचा बडगा उगारला आहे. श्रीकांत घुले याच्यावर बीएनएस कलम 353(2) अंतर्गत गुन्हा दाखल केला आहे. सोशल मीडियावर दादागिरी करणाऱ्यांवर कठोर कारवाई केल्यानं बारामती तालुका पोलिसांचं कौतुक होत आहे. पोलीस अधीक्षक संदीप सिंह गिल, अप्पर पोलीस अधीक्षक गणेश बिरादार, उपविभागीय पोलीस अधिकारी सुदर्शन राठोड यांच्या मार्गदर्शनाखाली पोलीस निरीक्षक चंद्रशेखर यादव, पोलीस उपनिरीक्षक युवराज पाटील पोलीस, जवान राजेश बन्ने यांनी सदरची कारवाई केली. या प्रकरणाचा पुढील तपास पो. हवा. किशोर वीर हे करत आहेत.

Latur Crime : कुटुंबाचा प्रेमसंबंधांना विरोध, MPSC करणाऱ्या तरुणाने नर्स प्रेयसीसह आयुष्य संपवलं, नितीन-राणीचा करुण अंत

कोणाचीही दहशत, दादागिरी चालणार नाही

‘बारामती तालुका पोलीस ठाण्याच्या हद्दीतील कोणत्याही गावात तसेच एमआयडीसी, सूर्यनगरी परिसरात कोण दादागिरी, दहशत करत असेल तर 9923630652 या क्रमांकावर कळवा. त्यावर तात्काळ कायदेशीर कारवाई करण्यात येईल. कोणाचीही दहशत आणि दादागिरी चालणार नाही’, असं आवाहन पोलिसांनी केलं आहे. दरम्यान, पुण्यासह जिल्ह्यात गुन्हेगारीचं प्रमाण वाढत चाललं आहे. वाढत्या गुन्हेगारीमुळे पोलिसांच्या कार्यक्षमतेवर प्रश्नचिन्ह उपस्थित होत आहे.