काळाचौकी येथील एका गारमेंट व्यावसायिकाने स्वतः आणि घरातील २० जणांसाठी थायलंडमध्ये फिरायचे ठरवले. यासाठी परिचयातील अमित कुमार आणि अभिसत्यम झा या दोन एजंटशी संपर्क साधला. त्यांनी एका व्यक्तीसाठी ५५ ते ५७ हजार रुपये खर्च येईल असे सांगितले. नंतर सर्वांसाठी सवलत देऊन पॅकेजची एकूण किंमत नऊ लाख ८० हजार रुपये सांगितली, ज्यात विमानाचे तिकीट, फिरणे, खाणे आणि राहण्याचा समावेश होता. व्यावसायिकाने इतरत्र तपासले असता हे पॅकेज स्वस्त असल्याचे दिसले. तथापि, व्यावसायिकाने होकार देत १५ दिवस आधी संपूर्ण रक्कम पाठवली. थायलंड जाण्यास चार दिवस शिल्लक असताना अमित आणि झा यांच्याकडून कोणताही प्रतिसाद आला नाही. अखेरीस अमित यांनी कोणतेही बुकिंग केलेले न दिसल्याने व्यावसायिकाने पोलिसांत तक्रार नोंदवली.
Dowry Cases In Mumbai: मुंबईतही हुंड्यासाठी महिलांचा छळ; चालू वर्षात आत्तापर्यंत तीनशेहून अधिक गुन्हे दाखल
मुलुंड येथील ७३ वर्षीय वृद्धाला कोलकाता येथील गुजरात समाज येथे फिरायचे होते. एका परिचयातील व्यक्तीने बुकिंगसाठी दिलेल्या क्रमांकावर संपर्क साधला. समोरील व्यक्तीने एपीके फाइल पाठवली आणि तपशील भरायला सांगितले. वृद्धाने फाइलवर क्लिक केल्यावर प्ले स्टोअरमधून गुजरात समाज नावाचे अ‍ॅप डाउनलोड झाले. त्यानंतर वृद्धाने आपला तपशील भरून ५०० रुपये आगाऊ रक्कम वळती केली. परंतु मोबाइल हँग झाल्यामुळे वृद्धाला संशय आला. संशय खरा ठरला आणि वृद्धाच्या बँक खात्यातून दहा लाख रुपये परस्पर वळते करण्यात आले.

यांचीही फसवणूक
सांताक्रूझ : उदयपूर येथील एका हॉटेलचा कर्मचारी असल्याचे भासवून खोली बुकिंगसाठी व्यावसायिकाकडून ९० हजार रुपये घेतले.
खार : इंस्टाग्रामवरील रिल्समधील व्हिला बुक करण्यासाठी ६० हजार रुपये भरले, मात्र बुकिंग झाले नाही.
वांद्रे : अलिबाग येथे दहा व्यक्तींना दोन रात्री राहण्यासाठी सव्वा लाख रुपये दिले; प्रत्यक्षात ही फसवणूक ठरली.
ताडदेव : संकेतस्थळावरून हॉटेल बुकिंग रद्द करण्याच्या बहाण्याने ६७हजार रुपये काढले.
सांताक्रूझ : ग्राहकाकडून कर्मचाऱ्याने दीड लाख रुपये घेऊन हॉटेलच्या खात्यात जमा केलेच नाहीत.
एकनाथ शिंदे यांच्या योजना थंड बस्त्यात? आनंदाचा शिधानंतर ‘माझी शाळा’वर लाल शेरा
सावधगिरी महत्त्वाची
हॉलिडे पॅकेजच्या जाहिरातींची प्रथम शहानिशा करा.
अधिकृत आणि विश्वासार्ह कंपनीकडूनच बुकिंग करा.
टूर ऑपरेटरची निवड करण्यापूर्वी नोंदणी प्रमाणपत्र आणि विश्वासार्हता तपासा.
बनावट एजंट सवलतींचा वर्षाव करून फसवणूक करतात.
ऑनलाइन पेमेंट करण्यापूर्वी सुरक्षित वेबसाइट्स आणि अॅप्स वापरा.
कोणत्याही बनावट लिंकवर क्लिक करू नका.
खात्री पटल्याशिवाय पूर्ण रक्कम भरणे टाळा.
फसवणूक झाल्यास त्वरित पोलिसांत तक्रार करा