एकनाथ शिंदे हे काल पुणे दौऱ्यावर असताना त्यांनी धंगेकरांना ‘महायुतीत नो दंगा’ असा क्लेअर मेसेज दिला होता. माझं रवींद्र धंगेकर यांच्यासोबत बोलणं झालेलं आहे. धंगेकरांना मी सांगितलं आहे की, महायुतीत दंगा नको. पुण्यामध्ये कायद्या आणि सुव्यवस्था अबाधित राहिली पाहिजे. सर्वसामान्य गोरगरीब जनतेला कोणताही त्रास होता कामा नये. पुण्यामध्ये महिला, मुली आणि नागरिकांना निर्भयमध्ये फिरता आलं पाहिजे. कायदा-सुव्यवस्था राखली गेली पाहिजे,” असं एकनाथ शिंदे यांनी सांगितलं होतं.

मोठी बातमी! ठाकरे बंधू एकत्र येण्याआधीच वितुष्ट? संजय राऊत यांच्या वक्तव्याने मनसेत नाराजीची चर्चा

एकरनाथ शिंदेंच्या सूचनेनंतर रवींद्र धंगेकर आपली भूमिका बदलणार का? भाजप नेत्यांवर ज्या पद्धतीने धंगेकर टीका करत आहेत त्यामध्ये नरमाई येणार का? हा प्रामुख्याने प्रश्न होता. याच अनुषंगाने रवींद्र धंगेकर यांनी आज पुण्यामध्ये पत्रकार परिषद घेतली आणि आपली भूमिका स्पष्ट केली. या पत्रकार परिषदेमध्ये रवींद्र धंगेकर यांनी मी पुणेकर आहे, सत्य बोलतो, माझा आवाज कोणीही दाबू शकत नाही, अशी थेट भूमिका घेतल्याने त्यांच्या रडावर अजूनही भाजपच असल्याचं स्पष्ट झालं. इतकंच नाही तर रवींद्र धंगेकर यांनी चंद्रकांत पाटील यांच्यावर अत्यंत गंभीर आरोप केला आहे. समीर पाटील हा माझ्यावर चंद्रकांत पाटील यांच्यामार्फत मोक्का लावणार असल्याचं रवींद्र धंगेकर म्हणाले आहेत.

समीर पाटील हा पूर्वी आर आर पाटलांकडे होता. त्यांचा मानसपुत्र म्हणून फिरत होता. मला सांगलीचे लोक रोज भेटतात. ते म्हणतात याला सोडू नका, हा चुकीचा माणूस आहे. समीर पाटील हा माझ्यावर चंद्रकांत पाटील यांच्यामार्फत मोक्का लावण्याच्या तयारीत आहे. चंद्रकांत पाटील यांच्यामार्फत माझ्यावर गुन्हे दाखल कसे करायचे, हे काम त्याचं सुरू आहे, माझी याला काहीच हरकत नाही, असं धंगेकर म्हणाले आहेत. तर, समीर पाटीलची जी भाषा आहे ते तो बोलत आहे का? असा सवाल सुद्धा धंगेकरांनी केला आहे.

दरम्यान, “मी पुणेकर आहे, मी सत्य बोलतो, माझा आवाज कोणीही बंद करु शकत नाही,” असं म्हणत धंगेकर यांनी एकप्रकारे आपण शांत बसणार नाही, असं जाहीरच करून टाकलं आहे. त्यामुळे आता रवींद्र धंगेकर यांच्या भूमिकेमुळे महायुतीत वाद वाढणार का? हे पाहणं महत्त्वाचं असणार आहे.