राज्यातील शाळांचा सर्वांगीण विकास करणे, त्यांचे आधुनिकीकरण आणि सौंदर्यीकरण करण्याच्या उद्देशाने मुख्यमंत्री माझी शाळा, सुंदर शाळा ही योजना ५ डिसेंबर २०२३ रोजी सुरू करण्यात आली. एकनाथ शिंदे यांच्या महत्त्वाकांक्षी योजनेपैकी ही एक योजना मानली जाते. या योजनेअंतर्गत त्या शैक्षणिक वर्षात राज्यातील शाळांमध्ये स्पर्धांचेही आयोजन करण्यात आले होते. राज्य, जिल्हा आणि तालुकास्तरावर स्पर्धा घेण्यात आल्या. लाखो रुपयांची पारितोषिके देण्यात आली. त्यामुळे राज्यातील शिक्षण संस्थांसह विद्यार्थी आणि पालकांमध्येही या योजनेची चर्चा होती. दोन टप्प्यांत ही योजना राज्याच्या कानाकोपऱ्यात पोहोचली. मात्र यंदा या योजनेला अद्याप सुरुवात करण्यात आलेली नाही.
ठाकरे कुटुंब एक होतंय, राज ठाकरे अडीच तास ‘मातोश्री’वर, मराठी माणसाची ताकद दुप्पट होणार?
एकनाथ शिंदे यांच्या मुख्यमंत्रिपदाच्या कार्यकाळातील आनंदाचा शिधा या योजनेला यंदा मुहूर्त मिळालेला नाही. त्यात आणखी एका योजनेची भर पडली आहे, असे राजकीय तज्ज्ञांकडून सांगितले जात आहे.
Train Cancelled: रेल्वेप्रवाशांसाठी मोठी बातमी! दोन दिवस मुंबई, पुण्यातून सुटणाऱ्या ‘या’ एक्स्प्रेस रद्द, यादी पाहा
दुसरीकडे, मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यात सुरू असलेल्या शीतयुद्धाचा हा भाग असल्याचा अंदाजही तज्ज्ञांकडून वर्तविला जात आहे. महायुती सरकारच्या मुख्यमंत्री लाडकी बहीण योजनेचा फटका या योजनेला बसल्याची चर्चा मंत्रालयात सुरू झाली आहे.